کورشچیلردن‌حمایت؛ امریکادن بیر عیال بیرمینگ اردو عسکریگه کریدیت کارت یوباردی
neshananews
01 August 2021بو ییلگی قربان هییتی اردو عسکرلری اوچون اوّلگی هییتلرگه قره‌گنده فرق‌لی ایدی؛ جنگ میدانلری ایسّیق بۉلگنی اوچون حکومت کوچلری و طالبان جنگچیلری اۉرته‌سیده آتش‌کیسیم امیدی یۉق اېدی. اوروش شدت‌آلگنی سبب کۉپلب اردو عسکرلری اویلریگه باریب، هییت تعطیلیگه چیقیشیگه تۉسقینلیک قیلدی.
جوزجانده خدمت قیله‌یاتکان هلمندلیک عسکر، بدخشانيلیک عسکر سینگری، وطنینی قوراللی باسقینچیلردن حمایه قیلیش اوچون قندهارده اوروش نینگ آلدینگی صفلریده جنگ قیلماقده. بو عسکرلرگه هییت بیره‌مینی فرزندلری بیلن نشانلش و آته -آنه‌لری نینگ قۉللرینی اۉپیش امکانیتی بۉلمه‌دی. اولر عایله اعضالری بیلن ملاقات قیلیش نینگ یگانه یۉلی – تېلفون آرقه‌لی‌ایدی.
جنگ میدانلریده قۉنغیراق قیلیش اوچون کریدیت کارت‌نی آلیش آسان ایش اېمس. اردو عسکرلری بیر نېچه بار کریدیت کارت‌لری نینگ اېتیشمسلیگیگه دوچ کېلیشدی و بیر نېچه هفته دوامیده اۉز عایله‌لری بیلن ملاقات قیلیشلری تعقیقلندی.
بیراق، بو ییل قربان هییتیده امریکا قۉشمه ایالتی‌دن بیر عیال، عایله‌لری بیلن علاقه‌ده بۉلیشلری اوچون یوزلب اردو عسکرلریگه کریدیت کارت‌لرینی تقدیم اېتدی. امریکاده‌گی مدنی فعال، عیاللر و قاچقینلر حقوقلری فعالی مریناعمری مثلی کۉریلمه‌گن حرکتده ۱۰۰۰ گه یقین اردو عسکریگه ۷ مینگ دالرگه کریدیت کارت‌لرنی یوباردی.
مرینا عمری امریکاده‌گی مدنی، عیاللر و قاچقینلر حقلریدن حمایه ایتووچی فعال.
بیر هفته‌لیک اورینیشدن سۉنگ مریناعمری بو عسکرلرگه کریدیت کارت‌لرینی تاپشیریش‌ده موفق بولدی. خانم عمری نشانه‌خبرآژانسی بیلن صحبت‌ده دیدی”مېن افغانستان‌دن اوزاقده بۉلگن مملکتدن توریب بو قیله آله‌دیگن یگانه ایش اېدی و مېن بیر قنچه عسکرلر و اولر نینگ عایله‌لری اۉرته‌سیده کۉپریک بۉلیشنی خواهلردیم”. خانم عمری بو کریدت کارت‌لرنی ” دینگ” دستوری آرقلی اردو عسکرلری تلفن رقملریگه جونتکن. دینگ، دنیابرجه مملکت‌لریگه کردیت کارت یوباریش ممکن بولگن دستور دیر.
مریناعمری عسکرلردن یالغیز معنوي کمک نینگ اۉزی ییترلی اېمس دیدی. بیز هم عسکرلرنی مادّي جهت دن قۉللب -قوّتلشیمیز کېره‌ک. عمری خانم افغانستان حکومتی بو ییلگی قربان هییتینی “عسکرلر بیره‌می” دېب نامله‌گندن سۉنگ، “عسکر بیره‌می” کمپاینی‌نی باشله‌دی. بو مدنی فعالی، بیرم کونلریده عسکرلرگه هییت کمپاینی باشلنگنیدن کېین او مملکت عسکرلری و اهالسیدن اجتماعي ترماقلر آرقه‌لی بېش مینگگه یقین پیام قولگه کیرتیب آلگن دیدی.
مریناعمری نینگ قربان‌هییتی مناسبتی بیلن اردو عسکرلریگه پیامی.
عمری خانم نینگ سۉزلریگه کۉره، بو پیاملرنی اکثریتی‌نینگ مضمونی منّتدارچیلیک اېدی. مریناعمری خانم هر بیر عسکرگه ۵۰۰ دن ۲۵۰۰ افغانی کریدیت کارت‌نی یوبارگنینی قۉشیمچه قیله‌دی. بو مدنی فعال بیرعیال صفتیده بو ایش‌دن مقصدی مملکت اردوسی عسکرلریدن حمایت قیلیشی‌نی کۉرسه‌تماقچی بولگن. مریناعمری نینگ ایتیشیچه، کۉپ سانلی عسکرلر و تینچ اهالی فقط کریدیت کارت سۉره‌ش اۉرنیگه، اونگه منّتدارچیلیک بیلدیرگن و اونینگ حرکتینی آلقیشله‌گن. مرینا خانم تامانیدن هییت مناسبتی بیلن اردو عسکرلریگه کریدت کارت یوباریش جریانی اۉتگن هفته چهارشنبه کونی توگه‌دی.
مریناخانم عسکرلرگه هییت بیره‌می اوچون ساووغه یوباریش کمپاینی اجتماعي ترماقلر آرقلی باشله‌دی. او دستلب اجتماعي ترماقلر آرقه‌لی اردو عسکرلری بیلن تنیشیب گپلشرددی، کېین اولرنی کریدت‌کارت یوبارردی. امریکاده‌گی عیاللر حقوقلری و مدنی فعال‌گه کوره، افغانستانده‌گی خوفسیزلیک و مدافعه کوچلری کۉپراق مالیوي یاردم قولگه کیریتیش‌نی امید قیلماقده. اونینگ سۉزلریگه کۉره، اصلیده مملکت نینگ مدنی قدریتلرینی حمایه قیله‌دیگن قتلم درحقیقت عسکرلردیر.
اردو عسکرلریگه
مملکت شِمالیده‌گی اردو ملازملزی هم مریناعمری خانم نینگ بو حرکتینی آلقیشله‌یدیلر. ۲۰۹ شاهین قول‌اردوسی سوزچیسی محمد حنیف رضایی بو کمپاین ني فیسبوک اکونتی آرقلی باشقه‌لر بیلن اورتاقلشکن. جناب رضایی فیسبوک صحیفه‌سیده شونده‌ی دېب یازگن: “قهرمان عسکرلر اوشبو سُاووغه دن فایده کۉریشلری اوچون اورتاقلشینگ” .
مریناعمری مدنی فعال، قاچقینلر حقوقلری حمایه‌چیسی و افغانستان-امریکا دفتری‌نینگ جماعتچیلیک ایشلری بیلن علاقه‌لر بۉییچه مصلحتچیسی دیر. افغانستان وطنداشی بولگن مریناعمری، تخمیناً ایکّی ییل آلدین عایله‌سی بیلن امریکاگه مهاجر بولدی و حاضر افغانستان-امریکا دفتری‌نینگ اساسي اعضاسی صفتیده امریکا ولسی‌جرگه و کانگرس اعضالری بیلن قۉشمه اوچره‌شوولرده قتنه‌شه‌دی.
عینی‌حالده جمهوررییس اشرف غنی بو ییل قربان هییتینی جنگ میدانلریده اردو کوچلری نینگ حیاتی و کوچینی حمایه قیلیش اوچون “عسکرهییتی” دېب نامله‌دی. شونینگدېک، او هییت‌ده‌گی نطقیده عسکرلر و اولر نینگ عایله‌لریگه وطن اوچون قربان بۉلگنلری اوچون منّتدارچیلیک بیلدیردی.
