اوتکن شنبه ( اوچینچی عقرب) شام چاغیده افغانستان انقلابی محنتکش لر ( سازا) تشکیلاتی نی سابق رهبری محبوب الله کوشانی آلمان ده وفات ایتی. اونی عالم دن اوتیشی بیلن افغانستان نینگ حاضرگی عصرده بیرمهم دادخواه لیک تشکیلات دوسیه سی هم باغلندی؛ اما بو تشکیلات فعالیت لریدن قالگن میراث شبهه سیز تیریک و جاری دیر.
کوشانی ۱۳۲۳ شمسی ییل ده بدخشان ولایتی مرکزی فیض آباد شهریده توغیلدی. او مکتب نی دوری نی کابل نینگ حبیبیه لیسه ده اوتکزیب کین عالی تحصیلاتی نی دوام ایتیریش اوچون ماسکوگه باردی و سیاسی اقتصادی ساحه سیده ماسترلیک درجه سیگه چه اوقیدی.
اونی سیاسی فعالیت لری کابل ده مکتب دوریدن باشلندی. کابل ده افغانستان انقلابی محنتکش لر( سازا) تشکیلاتی سابق رهبری محمد طاهر بدخشی اوییده استقامت اختیار قیلگن زمان ده طاهر بدخشی نظری آستیده سیاسی کورش و سیاسی فعالیت لرنی باشله دی و شو سبب دن طاهر بدخشی اعدام بولگن دن سونگ بو تشکیلات رهبرلیگی گه سیلندی.
محبوب الله کوشانی حیاتی نی اینگ آز اوچ بولیمده محکمه قلیش ممکن:

سازا ده فعالیتی
کوشانی یاشلیک ییل لریده ( محفل انتظار) ناملنگن سیاسیتچی لر دایره سیده و کینچه لیک سازا تشکیلاتی اعضالری بیلن مناسبت ده بولیب و رسمی طریقه ده بو تشکیلات گه قوشیلدی اما دایم بو تشکیلات نی یاش و تاثیرچن اعضالریدن بیری حساب لنردی. اونی نیک و انسانی خصوصیت لری، سیاسی علم و بیلمی سبب، طاهر بدخشی نی اعدام بولگنی دن سونگ بو تشکیلات رهبرلیک گی یتیشی گه مهم حصه قوشکنی برچه گه معلوم.کوشانی ۱۳۵۸ شمسی ییل دن سونگ بو تشکیلاتی رهبرلیگی نی رسمن قولگه آلدی و بو تشکیلات خلق دموکراتیک حزبی رهبرلیگی آستیده‌گی دولت بیلن همکارلیک قلیش وقتی گه چه بو ایش نی بجردی.

خلق دموکرایتک حزبی دولتی بیلن همکارلیک
۱۳۶۶ شمسی ییل میزان آیی ده افغانستان محنتکش لر تشکیلاتی ( سازا) محبوب الله کوشانی رهبرلیگی بیلن قدرت آستیگه بولگن داکتر نجیب الله تمانیدن رهبرلیک بوله یاتکان افغانستان خلق دموکراتیک حزبی بیلن، ییل لرچه مخالفت دن سونگ، ملی یرش آقیمی اعلان بولگن دن سونگ دولت بیلن همکارلیک بیتیمی نی امضالشدی. بو کیلیشو آرتیدن ( سازا) تشکیلاتی فعالیتی قانونی بولیب ایش لری رونق تاپیدی. سازا اعضاسی بولگن بیر قطار شخصیت لر دولتی منصب لرگه قول تاپیدلر. کوشانی هم تشکیلات نینگ بیرینچی کاتبی اوله راق، باش وزیر اورین باسری و پلان وزیری تعین بولدی اما تیزلیک ده دولت بیلن همکارلیک دن قول تارتی.

سیاسی فعالیت لرنی قیته باشلش

۱۳۸۸ شمسی ییل بهار موسومیده محبوب الله کوشانی ۱۵ ییل چیت ده حیات اوتکزیش دن سونگ افغانستان گه قیتیب کیلدی و بیرقطار سیاسی شخصیت لر بیلن « آزاده‌گان» حزبی نی تاسیس قیلدی و بو آدرس دن ۱۳۸۸ ییلی اوتکزیلگن جمهورریس لیک سیلاوی ده نامزد بولیب رقابت گه قتنشدی. کوشانی نی بو دور ده‌گی سیاسی فعالیتی مملکت سیاسی وضعیتی نی اوزگرتیریش اوچون کوپ امیدلرنی اولکه ده توغدیردی.اما بخت گه قرشی بو سعی و حرکت لر ثمر بیرمدی . آزاده‌گان حزبی، بیرقطار اعضالری عالم دن اوتکنی و ایش دن قول تارتیش لری سبب آسته سکین اورتدن کیتی.
سونگی اون ییل مابینی ده هرچند که کوشانی آلمان و افغانستان ارا باریب کیلردی، اما بیرخاص سیاسی فعالیتی یوق ایدی. بو مدت ده اونی اینگ اساسی ایشی سازا تشکیلاتی نی حجت لرینی یغییب چاپ گه تیارلش و اوز رهبری محمد طاهر بدخشی قول یازمه لرینی تاپیب و ترتیب لش ده خلاصه بولردی اما معلوم ایمس که بو مدت ده بو اثرنی یغیش ده موفق بولیب و اولرنی چاپ و نشر قلیش ده موفق بولگن می یا یوق؟