کوپ تورموش اورتاقلی ایرکک عالم‌دن اوتدی
neshananews
14 June 2021کوپ تورموش اورتاقلی شخص هندوستان شما‌ل‌شرقیده عالم‌دن اوتدی.
۳۹ تورموش اورتاق و ۹۴ فرزندی بولگن زیونا‌چانا اوتکن کونی ( یک‌شنبه ۲۳ جوزا) هندوستان شرقیده جایلشکن میزورام ایالتی‌نینگ بیر قشلاقیده دنیادن کوزیمدی.
“بی‌بی‌س” نشرایتکن خبرگه کوره چانا‌جنابلری قان‌باسیمی و دیابت کسل‌لیگی‌گه دچار بولیب ۷۶ یاش‌ده عالم دن اوتکن.
چانا‌جنابلری جهان‌ده اینگ کوپ تورموش اورتاق‌گه ایگه بولگن شخص صفتیده تانیلگندی. او ایلک‌بار ۱۷ یاش‌لیگی ده اویلنگندی. چانا‌جنابلری کتته عایله‌سي بیلن میانمار چیگره‌سی یقنیده بیر اوزاق توشکن قشلاق‌ده تورت قبتلی بیر اوی‌ده کون‌کیچرردی.
او مسیحی‌دینی‌گه تیگیشلی بولگن و نيچه تورموش اورتاق آلیشگه رخصت بیرگن بیر مذهبی فرقه ایزداشی ایدی. بو شخص جهان بویلب کوپ‌فرزندلی بیر عایله آته‌سي ایدی.
زیونا‌چانا کوپ تورموش اورتاق و فرزند ایگه سي بولگنی اوچون جهان‌بویلب شهرت قازانگندی. بو هندوستانلیک ایرکک‌نینگ اویی سونگی وقتلرده سیاحتچی‌لر دقت اعتبارینی اوزیگه جلب ایتکن قیزیق محل‌گه ایلنگندی.
