یوناما: افغانستانده تینچ اهالی تلفات سانی اۉتگن ییلگه نسبتاً ۴۷ فایز آشگن
neshananews
26 July 2021بیرلشگن ملتلر تشکیلاتی نینگ افغانستانده‌گی وکالت‌خانه‌سی (یوناما) سۉنگگی حساباتیده افغانستانده تینچ اهالی آره‌سیده تلفاتلر سانی اۉتگن ییل نینگ بیریچی آلتی آیی‌گه نسبتاً ۴۷ فایزگه آشگنینی ایتدی.
یوناما بوگون (دوشنبه ۴ اسد) نشرایتکن راپوریده یازیشیچه، جاري ییل باشیدن بویان افغانستانده ۱۶۵۹ تینچ اهالی هلاک بۉلگن و ۳۲۵۴ نفر تینچ اهالی یاره‌لنگن.
حساباتده، شونینگدېک، اوشبو تینچ اهالی نینگ اکثریتی طالبلر و افغانستان خوفسیزلیک کوچلری اۉرته‌سیده‌گی جنگ پیتیده و افغانستاندن خارجی قۉتلر چیقرییب کیتیشی دن سونگ، اۉتگن اوچ آی ایچیده اۉلدیریلگنلیگی ایتیلگن.
یوناما بو قربانلری نینگ ۶۳ فایزینی افغانستان دولتی مخالف گروهلری، شو جمله‌دن طالبان و ۲۳ فایزی امنیتی و خوفسیزلیک کوچلرینی عیبدار دېب بیله‌دی. حساباتده اهالی تلفاتی نینگ ۱۶ فایزیگه نامعلوم گروهلر سبب بۉلگنلیگی ایتیلگن.
یوناما بو راپوریده عینی دمده، افغانستان حکومتی و طالبان‌نی زۉرآورلیکلرنی زودلیک بیلن تاخته‌تیب، مملکتده تینچ اهالی هلاک بۉلیشی نینگ آلدینی آلیش اوچون، جدّي تینچلیک مذاکره‌لریگه اعتبار قره‌تیشگه چقیرگن.
سۉنگگی اوچ آیده، افغانستاندن خارجي قۉتلر چیقریلگندن بېری، طالبان هجوملرینی کوچه‌یتیریب، کتّه حدودلرنی اۉز نظارتیگه آلگن.
انسان‌حقلری‌ني کوزه‌توچی تشکیلاتی طالبان‌نی قندوز، فاریاب و قنده‌هار ولایتلریده‌گی اَیریم تومنلرنی باسیب آلیش پیتیده حربي جنایتلر بجریش‌گه عیبلشکن.
