یوناما قندهار و هلمندده زۉرآورلیکلر و تینچ اهالی قربانلری کۉپهییشیدن خواطرده
بیرلشگن ملتلر تشکیلاتی نینگ افغانستاندهگی دفتری (یوناما) هلمند و قندهار مرکزلریده تینچ اهالی قربانلری کۉپهییشیدن خواطرده.
یوناما ادارهسی بوگون (سهشنبه ۱۲ اسد) نشرایتکن خبرنامهسیده یازیشیچه، آخرگی اوچ کون ایچیده بو ایکّی ولایتده ۱۵ تینچ اهالی اوروش عاقبتیده هلاک بۉلگن، و ۱۲۷ کیشی یارهلنگن.
خبرده قۉشیمچه قیلینیشیچه، ایکّی ییریک شهرده زۉرآورلیک اوج آلگنی سببلی، تینچ اهالی قربانلریدن تشقری، مینگلب عایلهلر کۉچیریلیب آواره بولگن.
یوناما افغانستاندهگی ماجرا پیتیده اوروش و تینچ اهالینی اۉلدیریشنی تاختهتیشگه طلب ایتکن. اونده طالبان و افغان قوتلرینی حربي عملیاتلر پیتیده تینچ اهالیگه ضرر اېتکزیشدن تيیلیشگه چقیرگن.
اۉتگن هفته آخریدن طالبلر نینگ ولایت مرکزی هلمند و قندههارگه هجومی کوچهیگن. آخرگی کونلرده هراتده اردو کوچلری و طالبان اۉرتهسیدهگی تۉقنهشوولر دوام اېتماقده.