دشمن‌گه قرشی ملی سفربرلیک یرتیش ضرورتي
neshananews
15 June 2021هیچ شک شبهه یوق که بیزنینگ جغرافیامیز اینگ آغیر کونلرنی باشدن کیچیرماقده. اوروش کوپلب اجتماعی بویروتمه‌لرنینگ پای‌دیوارینی ضعیف‌لشتیرگن و هر بیرشخص اوچون نورمال‌حیات کیچیریش‌ني قیینت‌لشتیرگن. اما افعانستان، اوز تاریخی‌ده بیرینچی مرته بوقدر کتته و حیرت‌لنرلی سیناوگه دوچ کیلمگن. کوپ ییللر دوامیده اشبو جغرافیاده سان- سناق‌سیز دیولر بیلن کورشیب و آخر – عاقبتده بورونلرینی ییرگه سورتکن.
افعانستان تاریخی نینگ هر بیر صحیفه سییده اشبو مملکت جغرافیاسی و اونینگ خلقی نینگ ایچکی و تشقی دشمن لری بیلن آلیب بارگن کورشلریدن گواه دیر.کونلر چرچگن، بیرزمان آرقه چیککن وبعضی وقتلر جیراحتلنگن، اما بو حغرافیا هیچ قچان تیزه‌گه چوکمگن و هیچ قچان هم ایچکی و یا تشقی دشمنلریگه باش ایگمگن و ایگیلمگن.عکسینچه هندوکش اقتداری کبی جسارت و کوچلی ایمانی بیلن دشمنلری اوستیده حکمرانلیک قیلگنی سبب وطنپرورلیک غلبه سی و چوقی لر اوستیده ایشانچ بیراقی نی کوتاریب بومنطقه نینگ یاورلریگه کتته سبق بیرگن.
اشبو جغرافیانینگ تاریخی ده دشمنلرگه قرشی اوزیگه خاص کوپلب قهرمانلیک لر حکایه لرنی اوقیش ممکن. غلبه و حاکمیت نینگ پای دیواری بیته نرسه گه اساسلنگن و بوچیگره بوزوغونچیلر اوستیدن حکمرانلیک قیلیشلری نینگ سببی بیته نرسه: ملی سفربرلیک.
افغانستان یاولری هرکونی بو یورت نینگ اهالی سی اوستیده کتته احتماعی بولینیش نی ایزله ماقده و بوحرکت ملی سفربرلیک نامی آستیده خلق نینگ بیرلیگی، دشمنلرنی قلبی گه توشکن قورقو طفیلی ایجاد بولگن. افغانستان دشمنلری تاریخ نی یخشی بیلیشه‌دی و اگربو مملکت نینگ حقیقی آدملری ملی مقیاس ده سفربر بولسه لراولرنی قوراللی ترورچیلر و باشقه هرقندای یمان نیت‌لی گروه لرگه قرشی غلبه سی یقال نمایان و بو ملی بیرلیگ هرقندای دشمن نی نابود ایتیش ده شبهه سیز موفقیت قازانه آله دی.
یگانه دشمن گه قرشی ملی سفربرلیک اشبو مملکت ده تاریخ دوامیده موجود بولگن حقیقت دیر.افغانستان اهالی سی اوزلرینی بیته دشمن گه دوچ کیلگنی نی بار بار کورگنلر.اولربیربیرلریگه یاردم بیریشگه شاشیلیب وقان توککن دیولرگه قرشیتوریش اوچون برادرلریچه قوللرینی بیریشدیلر و تصادفدن برچه سفربرلیکلرلرده موفقیت قازانگنلر.سابق شوری اتفاقی گه قرشی سونگی ملی سفربرلیک بیلگی لرینی هلی هم افغانستان نینگ همه جایلریده کوریش ممکن، بیرلشکن دشمن نینگ کتته مغلوبیتی گه آلیب کیلگن بو بسیج، بو یورت نینگ یشوچیلری قوم، مذهب و منطقه دن قطعی نظراشتراک ایتیب فقط بیته یکونی مقصد اوچون کورشگنی معلوم و دشمن نینگ مغلوبیت گه اوچرتکن نرسه انه شو اتفاق و بیرلیک ده دیر و خلاص.
حاضرچه افغانستان قیین کونلرنی باشدن کیچرماقده و بعضی ولایت لر نینگ بیرقطار تومنلری هرکونی طالبان و باشقه ترورچی گروه لر تمانیدن آغیر هجوملرگه گواه دیر.طالبان هرکونی اوزلری چیزگن لایحه لریده مطابق اوروشلرینی کوندن کونگه هیچ قندای انسانی قدریت و انسان پرورلیک موضوع لرگه اعتبار بیرمسدن دوام ایتیریب عاموی قرغین گه یوزتوتکنلر.اما بو یورت نینگ جسورعسکرلری اشبو تروریستی گروه و اولرنی باشقه خارجی اتفاقداشلریگه قرشی کورشماقده. عینی پیتده بیته و غلبه قازانگن کتته حکایت نینگ اورنی نهایت ده بو میدان ده بوش قالگن. اشبو روایت یگانه دشمن گه قرشی ملی سفربرلیک دن اوزگه نرسه ایمس.
مملکت ده وقتی وقتی بیلن طالبان گه قرشی اردو یانیده کورش آلیب باراتگان و اوز حدودلرینی حمایه قیله‌یاتکان قوراللنگن عاموی قومی گروه لرنی ترقاقلیگی کون سیون کوپیب بارماقده و بو دشمن گه قرشی ملی اوینغانیش و قوزغالیش اوچون بیرینچی اوچقون نشانه سی دیر.
مهم و حیاتی اهمیت گه ایگه بولگن نرسه، اشبو تورده‌گی خلق کوچلری نینگ ترقلیشی نی کمیتریش و بیته روایت یرتیش و بو کوچلرآره سیده مستحکم علاقه و بیردملیک نی اورنتش دیر.ملی سفربرلیک نامی آستیده خلق قوراللی کوچلرنی توزیش حاضرهرقچان دن کوره هم ممکن و ضرور کورینماقده. اما اوزاق وقت دوامیده بوندای کوچلرنینگ حد دن تشقری بیته دشمن گه قرشی غلبه قازانیشی امکانیتی و بوندای کوچلرنینگ جنگ نی ترک ایتیش امکانیتی نی پسیتیرگن سببی ایسه، کینگ و ساغلان باشقرو یوق لیگی دن درک بیره دی.
شو سبب لی مملکت نینگ تورلی منطقه لریده فعال بولگن قوراللی گروه لرنینگ برچه رهبری ارا کوچلی علاقه لرنی اورنتیش، توغری باشقریش و آلدین گه سیلجیش اوچون کتته قوماندان لیک، منتظم و بیرلشکن نیتی و روایت لرینی علاجی باریچه تیزلشتیریش و دشمن گه قرشی جنگاورحرکتلرنی قوللب قوتلش ضرور. اشبو تدبیر حکومت نینگ تجربه لی حربی قوماندان لرنینگ کوچلی نظارتی و همکارلیگی بیلن انیق حربی تمایللر و اخلاق دایره سیده عمل گه آشیریلشی کیرک. قهرمانلیک حکایه لر بوتون افغانستاان بویلب دشمن گه قرشی کورشماقچی بولگن محلی اهالی اره‌سیده دایم ترقلگن و ملی قوزغلان آوازی حکومت و برچه قوراللنگن خلق گروه لری تمانیدن طالبان گه قرشی کوتیلماقده.
بو بیرتماندن طالبان و ترورچیلیک گروه لرگه قرشی کورشده افغانستان اردوسی نینگ صف لرینی روحی جهت ده کوچیتیره‌دی و دشمن لرنینگ قلبیده قورقو یرته‌دی و باشقه تماندن حربی حهت دن یاووز و ترورچی گروه لرنی قشلاقلرده خوفسیزلیک کوچلری نینگ یتیشمس لیگی دن اورته گه چیققن بوشلیک آلدینی آلیش ده مثبی رول اوینی آله‌دی.
