۱۵ ولايت ده جاري بولگن سوتاشقيني ٤٦ كيشي دن جان آلدي
حادثه لرگه قرشي كورش وزيرليگي مسۇللریگە کۇرە مملکت نی ۱۵ ولایتی دە جاری بۇلگن سۇتاشقینی عاقبتیدە ۴۶ کیشی اۇز جانی نی قۇلدن بیرگن، بۇ رقم ۱۵ جاری یبل (۱۴۰۰) ثور کۇنیگە قدر رۇیخط دە آلینگن.
حادثە لرگە قرشی کۇرش وزیرلیگی سۇزچیسی احمد تمیم عظيمي بوکون (پنجشنبه ١٥ ثور) نشانه خبر آژانسي بيلن صحبت ده دیدی سوتاشقینی هرات، غور، باميان، بدخشان، پنجشير، دايكندي، بادغيس، تخار، سرپل، ميدان وردك، خوست، سمنگان و بغلان ولايتلريده جاري بولگن.
عظيمي جنابلري علاوه ايتي بو سوتاشقيني عاقبتيده اينگ آز ٤٦ كيشي اوز جاني تي قولدن بيريل و ٢١ كيشي هم درك سيز يوقالگن.
حادثه لرگه قرشي كورش وزيرليگي سوزچيسي بو سوتاشقيني سبب اهالي گه يتكزيلگن خساره و صدمه لر كولمي كينگ بولگني ني اورغولشدي. اونگه كوره ٧٠٠ يشش اوي ويران و ٥٠٠ عايله هم اوي حاي لريدن اواره بولگن.
عظيمي جنابلري شونينگ ديك مملكت ده جاري بولگن سوتاشقيني سبب ٢ مينگ و ٤٥٠ چاروا هم تلف بولگن ديب ايتي.
او بو واقعه دن سونگ بو وزيرليك ني ياردمچي گروه لري ۱۳ ولايت ده خساره كورگن اهالي گه كيرك لي ياردملرني ترقتماقده ديدي.
بير هفته دن بويان مملكت ني بير قطار ولايتلريده آغير ياغينگرچليك لر دوام ايتماقده.بو ياغينگرچليك لر آرتيدن مملكت ني ۱۳ ولايتي ده دهشتلي سوتاشقين لر جاري بولگن. عموما مملكت غربي، شمالي و مركزي قسم لريده جايلشكنولايت لر بو سوتلشقيني دن كوپراق خساره كورگن.