۱۵ دولت نینگ سیاسي وکالتخانهلری: طالبان دایمي روشده صلح اعلان قیلیب، سیاسي کېلیشوو زمینهسینی مساعد ایتسین
۱۵ مملکت سیاسی وکالتخانهلری، اروپا اتفاقی و ناتو ، قۉشمه بیانات نشر ایتیب، افغانستانده طالبلر تمانیدن جنگ و زۉروانلیک ني کوچیتیریلگنیدن تنقید قیلیب، تیزلیک بیلن آتشکیسیم اعلان قیلیشیني طلب قیلگن.
استرالیا، کانادا، چک، فنلند، فرانسه، آلمان ایتالیا، جاپان، کوریا، هالند، اسپانیا، سویدن، انگلستان، امریکا، ناتو و اروپا اویشمه سیاسی وکالتخانهلریبوگون (دوشنبه ۲۸سرطان) بیرقوشمه بیانات نشر ایتیب افغانستان گه آتشکیسیم اورنتیلیشی طلب ایتکنلر.
بیاناتده ایتیلیشیچه، طالبلر زۉروانلیکلرنی زودلیک بیلن توگهتیشی و دایمي روشده صلح اعلان قیلیب، افغانستانده کېنگ قمراولی سیاسي کېلیشوونی اۉرنهتیشی کېرک.
بیاناتگه کۉره، طالباننینگ کینگ کولمدهگی جنگ و زوروانلیگی، تینچ اهالینی قتل و آوارهلیگی گه سبب بولیب، عامه قوریلمهلرنی بوزییب، سیاسي کېلیشووگه اېریشیشنی قیینلشتیرهدی دیب تاکیدلشکن.
بیاناتگه کۉره، افغانستان ایچکریسیده طالبان جنگچیلری نینگ کېنگ ترقهلگن زۉروانلیکلری و اولر نینگ رهبرلری نینگ افغانستان معماسینی دیالوگ آرقهلی سیاسي یۉل بیلن حل قیلیشنی قۉللب-قوّتلشی حقیدهگی بیاناتلری بیر-بیریگه ضد دیر.
بیاناتده طالبلر نظارتی آستیدهگی حدودلرده عامه قوریلمهلر یۉق قیلینهیاتگنی و تینچ اهالی قییناققه سالینهیاتگنی تأکیدلنگن. اېنگ مهمی، عیاللر و قیزلر نینگ کوندهلیک فعالیتیگه جدّي چېکلاولر قۉییلگن و اولر نینگ انسان حقوقلری بوزیلگن.
بو ۱۵ مملکت قۉشمه بیاناتده، طالبلر تینچ اهالیگه قرشی زۉرآورلیکلرنی و انسان حقوقلرینی پایمال اېتیشنی توختهتیشلری کېرهکلیگینی تأکیدلهگنلر.
مملکتده قریب ایکّی آی دوام اېتگن کېنگ قمرولی زۉرآورلیکلردن سۉنگ دوحه تینچلیک مذاکرهلریده ینگی فصل باشلندی و افغان حکومتی و طالبان قربان هییتی کونلریده آتشکیسیم اعلان قیلیشی کوتیلماقده.