۲۰۷ ظفر قول‌اردوسی بیرینچی لوا قوماندانی هراتده اوزجانی نی قولدن بیردی
neshananews
31 July 2021هراتده‌گی محلي رسميلر ۲۰۷ -ظفر قول‌اردوسی بیرینچی لوا قوماندانی عبدالحمید حمیدي ولایت نینگ گذره تومنیده اوزجانی نی قولدن بیرگنی‌نی تصدیقلشکن.
هرات ولایت حاکمی سوزچیسی جیلانی فرهاد نشانه خبرآژانسی بیلن صحبت‌ده، جناب حمیدی کېچه ( جمعه ۸ اسد) طالبلر بیلن تۉقنه‌شووده گروه جنگچیلری تامانیدن اسیر آلینگنینی ایتدی. جناب فرهاد نینگ قۉشیمچه قیلیشیچه، ملي اردو قوماندانی طالبان جنگریلری تامانیدن قۉلگه آلینگندن کېین گروه تامانیدن آتیب اۉلدیریلگن.
طالبان، شونینگدېک، جنگریلر بیلن تۉقنه‌شووده محلي اردو قوماندانی اۉلدیریلگنینی تصدیقله‌گن.
مملکت غربیده‌گی هرات، آخرگی کونلرده طالبان هجوملری کۉپه‌یگنیگه گواه بۉلگن. طالبان گروهی ولایت مرکزینی اېگه‌للش اوچون شهرچېکّه‌سیگه هجوم قیلدی. اردو کوچلری خلق مقاونت قوتلری بیلن بیرگه‌لیکده طالبان هجوملرینی قَیتریشدی.
