۲۵ ولایتده اوروشنی دوامی؛ اۉتگن بیر آی ایچیده ۳۰ تومن طالبان نظارتیدن آزاد قیلیندی
مملکت امنیتی قوتلری نینگ قۉشمه سوزچیسی اجمل عمر شینواری افغانستان نینگ ۲۵ ولایتیده اردو کوچلری و طالبان جنگچیلری اۉرتهسیده جنگلر دوام اېتهیاتگنینی معلوم قیلدی. اونگه کۉره، سۉنگگی بیر آی ایچیده ۳۰ تومن طالبان نظارتي دن آزاد قیلینگن.
جناب شینواری بوگون (دوشنبه ۴ اسد) کابلده اۉتکزیلگن مطبوعات انجمنیده مملکت خوفسیزلیک و مدافعه کوچلری اکثریت ولایتلرده هجوم حالت ده بولگنینی ایتدی.
جناب شینواری نینگ قۉشیمچه قیلیشیچه، تخمیناً بیر آی ایچیده ۳۰ تومن طالبلردن آزاد قیلینگن. او، خوفسیزلیک کوچلری تامانیدن بیر هفته دوام اېتگن عملیات نتیجهلریگه اشاره قیلیب، اۉتگن ېتتی کون ایچیده ۱۵۲۸ طالبان جنگری اۉلدیریلگن و ۸۰۱ کیشی یارهلنگنینی ایتدی. طالبان حلی بو رقملرگه مناسبت بیلدیرمهگن.
شونینگدېک، جناب شینواری خوفسیزلیک ادارهلری دایرهسیده طالبلرگه قرشی کورهش بۉییچه آلتی آیلیک رېجه تیارلنهیاتگنی دن خبربیریب بو رېجهده استراتژیک حدودلر نینگ خوفسیزلیگینی تأمینلشگه جدیراق اعتبار قرتیلگن ديدي.
جناب شینواری هرچند بوباره قۉشیمچه تفصیلات بیرمهدی، اما بعضی معلوماتلی منبعلر اوشبو رېجهده طالبلر تامانیدن اشغال قیلینگن تومنلرنی قَیتریب آلیش، شاه یۉللری نینگ خوفسیزلیگی و تجارتی بندرلرنی قَیتریب آلیش بارلیگینی ایتیلگن. اوّلراق جمهوررییس محمد اشرف غنی مملکتده اوروش حالتی یقین اوچ-آلتی آی ایچیده اۉزگریشینی ایتگن اېدی.
خوفسیزلیک کوچلرینینینگ قۉشمه سوزچیسی سوزلری دوامیده، طالبلر حربي جنایتلر دېب اتهگن واقعه حقیده دیدی بو گروه قندههار ولایتی نینگ سپین بولدک تومنیده ۴۰۰ عایلهنی اویلریدن قوویب چیقرگنینی و ۱۰۰ کیشینی آتیب اولدیرگن. اونینگ تأکیدلشیچه، طالبلر غزنی ولایتی نینگ مالستان تومنیده هم حربي جنایتلر صادر اېتیب، اۉنلب تینچ اهالینی آتیب اولدیرگن.
اوّلراق باش قارهلوچی، طالباننی قندههار ولایتی نینگ سپین بولدک تومنیده حربي جنایتلرنی صادر اېتگنلیکده عیبلب، خوفسیزلیک کوچلرینی طالبان حرکتلرینی حجتلشتیریش اوچون قارهلوچی لر بیلن ایشلشگه چقیرگن اېدی.