۸۸۸ مخصوص پولیس بۉلینمهسی نینگ ۱۰ کونلیک یوتوقی؛ جوزجانده اوچ هجومنی قَیتریب و ۲۵ طالبان جنگچیسینی نابود اېتینگ
۸۸۸-مخصوص پولیس بۉلینمهسی اۉن کون آلدین شبرغان شهریگه کېلدی. سۉنگگی اۉن کون ایچیده اوشبو کوچلر طالبان نینگ جوزجان ولایتی مرکزی شبرغانگه قرشی قیلینگن اوچ هجومینی قَیتریشدی. بو اۉن کون ایچیده پولیس مخصوص کوچلری شبرغان جَنوبیدهگی قیشلاقلرده طالبانگه قرشی اوچ عملیاتنی اۉتکزدیلر. سۉنگگی اۉن کون ایچیده ۲۵ نفر طالبان جنگچیسی، جملهدن، بوگروهنینگ قیزیل قطعهسي قوماندانی و کتّه اعضاسی اۉلدیریلدی.
۸۸۸-مخصوص پولیس بۉلینمهسی نینگ ایکّینچی تولی قوماندانی شاه جهان نشانهخبرآژانسی بیلن صحبتده ایتیشیچه، اولر سۉنگگی اۉن کون دوامیده شبرغان قیشلاقلریده مارشال عبدالرشید دۉستمگه باغلیق قوراللی کوچلر بیلن کېلیشیلگن حالده عملیاتلرنی اۉتکزدیلر. جناب شاهجهان سۉنگگی ۲۴ ساعت ایچیده شبرغان شهریدهگی شکرک قیشلاغیده اویوشتیریلگن عملیات ده فرَاه ولایتیده طالبان قیزیل قطعهسي قوماندانی مولوی سراجالدین و طالبان نینگ ینه بیررقوماندانی اۉلدیریلگنینی قۉشیمچه قیلدی.
شاه جهان نینگ سۉزلریگه کۉره، عملیات دوامیده ینه تۉقّیز طالب جنگری یارهلنگن. اما جناب شاهجهان خوفسیزلیک کوچلری نینگ تلفاتی تۉغریسیده ایضاح بېرمهدی. ۸۸۸-مخصوص پولیس بۉلینمهسی نینگ ایکّینچی تولی قوماندانی، شبرغان شهریدهگی شکرک قیشلاغیدن طالبان هجوملری تاختهتیلگنلیگینی قۉشیمچه قیلماقده.
عینِ پیتده، مارشال عبدالرشید دۉستمگه علاقهدار قوراللی کوچلر قوماندانی اۉرینباسری عبدال صمد رحماني، ۸۸۸-مخصوص کوچلر بیلن کېلیشیلگن حالده شکرک قیشلاغیده طالبان یغینینی نشانگه آلگنلیکلرینی ایتدی. جناب رحماني نینگ قۉشیمچه قیلیشیچه، مولوی سراجالدین باشچیلیگیدهگی طالبلر جنگریلری شبرغان تامان بلریش اوچون شکرک قیشلاغیده تۉپلنگن.
مارشال دۉستمگه علاقهدار قوراللی کوچلر قوماندانی اۉرینباسری عملیات دن سۉنگ طالبان جنگریلری شکرک قیشلاغیدن قاچیب کېتگنلیگینی قۉشیمچه قیلدی. جناب رحمانی، شونینگدېک، طالبان شبرغان قیشلاقلریگه وایهگه اېتمهگنلرنی یاشلرنی اوروشیش اوچون جلب ایتیشگه باشلهگنینی ایتدی. جوزجاندهگی محلي رسميلر اېسه طالبلر نینگ وایهگه اېتمهگنلرنی یاللشی حقیده حاضرچه هېچ نرسه دېمهگن.
۸۸۸-مخصوص پولیس بۉلیمی جوزجان ولایتیده طالبلر هجوملری باشلنگندن سۉنگ سۉنگگی اۉن کون ایچیده شبرغان شهریگه کېلدی. بۉلیم عادتده شبرغان شهری اطرافیده طالبان موقعلریگه قیسقه مدتلی تونگی عملیاتلرنی یولگه قویهدی .