هرکونی افغان قاچقین لردن قریب بیرمینگ کیشی نیمروزولایتی چیگره سی ارقلی افغانستان گه جونتیلدیلر.

مهاجرت و ایران دن چیقاریلگن افغان قاچقین لر احوالی نی یاشیرین جهت لرینی ردمرز بولگن لر تیل دن ایشیتماقچی بولسک، بو حکایه لر فقط قیینتچلیک ومعمالر قنچه لیک چکسیز و مهاجرت نی اوته جانکویر دردی بارلیگی دن درک بیره‌دی.

افغانستان خلقی ۵۰ ییلدن بیری چیگره لردن اوتیب ایران نینگ تورلی شهرلریگه باریب اوییرده غریبکارلیک قیله‌دیلر. اکثرحال ده ایران لیک ایشچی لر، افغانستان دن ایش آخترب کیلگن افغان قاچقین لرنی حضوری دن ناراضلیک بیلدیریب ایران حکومتی نی تنقید آستیده آله‌دیلر، چونکه بو قاچقین لر آز مزد برابریده ایران لیک سوداگر و باغدارلرگه خذمت کورسته‌دیلر و اولرنینگ ارزان ایشی ایران لیک ایشچی لرگه ایش زمینه سی کمتیرگن.

نشانه خبرآژانسی خبرنگاری سونگی کونلرده ایران دن چیقاریلگن بیر قطارافغان قاچقین لربیلن صحبتداش بولگن، اولرنینگ بری سی اگر اوروش بولمه‌سه، باشقه لراوچون تیرتوکه‌یاتگان شو بی بها مزد بیلن اوز اولکه میزده تیرتوکیب ایشلش گه فخر قیله‌ میز و مهاجرت دردی و قیغوسینی چیدب بولمس ایککنی اورته گه قویب شرایط مساعد بولگنده اوز اولکه لریگه خذمت قلیش گه تیارمیزدیدیلر.

بو قاچقین لردن بیری، بیز هیچ قچان خرسندلیک دن ایران بارمگن میزدیب، قشاقلیک، ایش سیزلیک، امنیت بولمگنی سبب ایران ده‌ نیچه قبتلی بنالرنی قوریش گه بیل باغلب وحتی ایریم وقت لر بیرقطار همکسب لری میزنی هم قول دن بیردیک دیدی. او شونینگ دیک بعضی وقت لر ایشی میزنی توگتیب یشش محل میزگه باریش چاغیده ایران پولیسی تمانیدن اوشلنیب حتی ایشله‌گن کون لرنینگ پولی نی آله آلمی ایران دن افغانستان گه ردمرز بولگن میز دیب ایتی.

عبدالله بدخشان ولایتی ارگو تومنی یشوچی سی دیر. او ” ۲۰ کون آلدین ایران گه باردیم و هنوز قاچاقچی پولی نی بیرمی ایران پولیسی ایش اوستیدن منی توتقین ده آلیب زاهدان اردوگاه سیگه انتقال بیردی” دیدی. او زاهدان اردوگاه سیده ۲۰۰۰دن آرتیق افغان یاش لرسخلنیشی نی ایتیب اگراوتمیش ده ناقانونی طرزه ایران گه بارگن و ردمرز بولگن افغان قاچقین لر بیلگی لنسه پولیس اولرنی ۲۰کون  قماقه تشلب جزا بیره‌دی دیدی.

محمد،  بلخ ولایتی دن دیر. او ۱۰ کون آلدین ایران نینگ شیراز ولایتی گه یتیب بارگن پیتده قولگه آلنیب قیته افغانستان گه جونتیلگن.او قشاقلیک و اکه سی توی خراجتی نی تامین لش مقصدی اوچون ایران گه باریب ایشلش گه مجبور بولگنی دن حکایه ایتی.محمد حاضر کابل ده مزارگه باریش کرایه سی نی تاپیش اوچون سرگردان دیر.

او بیرینچی بار ایران گه مهاجرت قیلگنیم اوچون یول قیینتچلیک لری روحم نی خسته قیلگن دیب کاشکی اولکه میزده امنیت بولسه و بیز اوز انرژی میزنی افغانستان آبادان لیگی اوچون صرف لسک دیب سوزیورتی.

نیمروز ولایتی ده افغانستان نی قوشنی سی ایران دن اجرتکن “ابریشم” کوبریکی آرقلی هرکونی یوزلبچه افغان یاش لر و عایله لر ایران دن ردمرز بوله‌دیلر.

ابریشم کوبریگی چیگره قوریقچی کوچلر قوماندانی سمونیار شفیع الله ایران و افغانستان چیگره قوریقچی قوتلری ارا یخشی علاقه بارلیگی نی ایسلتیب ” بیز ایران تمانی بیلن شاشلینچ همکارلیک لر کیلیشونامه سی نی امضا قیلگن میز، بو کیلیشونامه ده عاجل کسل لرتاپیلگنده بیز اولرنی حجت سیز دوالنیش اوچون ایران گه جونته آله‌میز”دیدی.

هرچند بیرلشکن ملت لرتشکیلاتی نی قاچقین لربویچه عالی کمیسارلیگی ایران دن چیقاریلگن قاچقین لرگه بیرآز مبلغ یاردیم بیریب اولرگه قیتیش حجتی نی بیره دی اما حاضرگه قدر افغان لرمهاجرتی آلدینی آلیش اوچون مملکت ایچکرسیده یاش لر و ایش آختریب تورگن کیشی لرنی ایش سیزلیک دن قوتقاریش مقصدیده بیران ایجابی دستورعملی بولمگن.

بونگه قره‌مسدن اکثرقاچقین لر و اقتصاد متخصص لریگه کوره اوروش و ناتینچلیک افغان وطنداشلرینی قشاقلیگی گه سبب بولگن، واگر اولکه ده تینچلیک وامنیت اورنتیلسه، افغانستان اقتصادی رونق تاپیب و یاش لر درآمد کسب ایتیش اوچون اوز مملکت لرنی ترک ایتیش گه مجبور بولمیدیلر.