بدخشان ده طبي اوسيمليك لر نابودليگي آلديني آليش اوچون سعي و حركت

مملكت شمال شرقيده جايلشكن بدخشان ولايتي تاغليك ايكني و اوزيگه خاص جغرافي سي اوچون طبي اوسيمليك لرني يتيشتيريش اوچون قولي شرايط گه ايگه دير.

هنگ، مخ، قره قات و قيزيل ياغاچ بوولایت نینگ اینگ مهم طبی اوسیملیک لری جمله سیدن دیرکه بدخشان تاغلریده اوسیب وجهان مقیاسیده شهرت تاپکن.

محلی رسمیلر، دهقانچلیک متخصص لری و شونینگ دیک محل یشوچی لری، بو طبی اوسیملیک لری سونگی ییل لرده معیاری بولمگ روشده یغیشتیریلشی سبب نابودلیک خطری بیلن یوزمه یوزدیر دیدیلر.

اولرگه کوره اگر بو اوسیملیک لرنی اوزباشمیچه یغیشتیریلیشی اوچون بیران اساسی چاره تدبیر کورین مسه نیچه ییل دن سونگ بدخشان تاغلری بو طبی اوسیملیک لردن بوتکل بوشب قالیشی ممکن.

بدخشان ولایتی نینگ اطراف محیط متخصص لریدن بیری غلام نبی سرفراز دیدی عطارلیک دوکان لر و محل یشوچیلری طبی اوسیملیکلرنی ترتیب سیز و معیاری بولمگن روشده یغیشتیریش لری سبب بو اوسیملیک لردن کتته قسمی نابود بولماقده.

اونی معلوم قیلیشیچه طبی اوسیملیک لرنی یغیشی اوچون مخصصوص طرزالعمل بار و محلی مسوللر مخصوصا بدخشان ولایتی زراعت اداره سی بو اصولگه مطابق و متخصص لرنظری آستیده محل یشوچی لریگه بو اوسیملیک لرنی یغیش گه اجازت بیریش لری لازم دیدلر.

بو متخصص علاوه ایتی مسلکی جهت دن خلاف بولگن ایشلر تیگیشلی بولگن اداره لرتمانیدن ایزلنیشی کیرک و بوندای ایشلرگه قول اوره یاتکان آدم لر مسول اداره لرتمانیدن توتقین ده آلنیشی لازم.

اما محل یشوچیلری، کونده لیک روزغارلرینی اوتکزیش اوچون بوندای ایشلرگه قول اوریشگه مجبور ایکن لیک لرنی ایتیب شو طبی اوسیملیک لرنی یغیش و ساتیش آرقلی روزغارلرینی تامین لیدلردیب ایتماقده لر.

بدخشان یشوچیلریدن بیری هدایت الله ، محل اهالی سی طبی اوسیملیک لرنی یغیش موسومیده هرکونی بو اوسیملیک لردن اینگ آز اوچ موترنی یوکلب بو توغریده قانون و قاعده لرنی نظرده توتمیدیلر دیدی.

او، بیرییل دن بویان قشلاق لریقینیده جایلشکن بیرقطار تاغ لرده بعضی اوسیملیک لر نسلی بوتکل یوقالگن دیب و اهالی بوندای اوسیملیک لرنی یغیش اوچون اوزاق راق و بلندراق تاغلرگه مراجعه ایته دیلردیدی.

عینی حالده بدخشان ده طبی اوسیملیک لرنسلی یوقالیشی اوچون تاپیلگن تشویش و خواتیرلرسبب، بوولایت زراعت اداره سی طبی اوسیملیک لر نسلی یوقالیشی آلدینی آلیش اوچون بیرمنتظم دستورنی قول اوستیگه آلگنی دن خبر بیرماقده.

زراعت اداره سی مطبوعات بولیمی مسولی کیکاوس تکساری، بیرقطار یاردمچی ارگان لر همکارلیگی بیلن بدخشان ده طبی اوسیملیک لر نسلی نی قیته تیکلش اوچون بیراساسی دستورایشی نی باشله گنی نی تاکیدلشماقده.

تکساری جنابلری، بو ینگی دستورده ناقانونی و معیاری بولمگن ایشلرآلدینی آلیش و دهقان لر ایکنزارلریده بعضی طبی اوسیملیک لرنسل نی قیته رواجلنتیریش نظرده آلینگن دیب ایتی. تکساری جنابلری، مخصوص طبی اهمیت گه ایگه بولگن ایرم اوسیملیک لرنی نی نسل سقلش بیلن کوپلب دهقان لر اقتصادی نی قوللب قوتلش ممکن دیدی.

او طبی اوسیملیک لرنی نسل نی سقلش اوچون ینگی بیر طرزالعمل تیارلنیب بدخشان نینگ برچه تومن حاکم لریگه جونتیلگن دیب ایتی.

بو اصول گه مطابق بوندن سونگ مردم و سوداگرلر بوتوغریده شرطنامه امضالب متخصص لر نظری آستیده بو طبی اوسیملیک لردن فایده لنه آلیش لری ممکن.

باشقه تماندن بدخشان ولایتی ده آغاخان ترقیات دفترینی طبیعی منبع لربولیمی مسولی محمداکرم عزیزی، بو ارگان کوپلب دهقان لر خصوصا عیاللرنی طبی اوسیملیک لرنی ایکیش و محصولی نی یغیش طرزلرینی تعلیم بیرگن دیدی.

اونگه کوره بو ارگان اینگ بلند تاغ لرده اوسه یاتکان بیرقطار طبی اوسیم لیک لر اوروغی یا نهالی نی قشلاق لرده کیلتیریب اونی ایکیش طرزینی مردم گه اورگتیشی دن خبر بیردی.

بدخشان ولایتی عیال دهقانلریدن بیری سیماگل، طبی اوسیملیک لرنی قندای ایکیش و محصولاتی نی یغیش و پروسسی حقیده تعلیم کورگنی نی ایتیب بو درک ده یخشی درآمد کسب ایتکنی دن خبر بیره دی.

سیماگل علاوه ایتی اگر مردم طبی اوسیملیک لردن معیاری و علمی روشده فایده لنسه لربیرتماندن عایله لری اقتصادی قوللب قوتلنه دی و باشقه تماندن بو اوسیملیک لر نسلی نابودلیک دن قوتیله دی.

عینی حالده بدخشان ولایتی زراعت اداره سی، هرچند بوندای اوسیملیک لر یغیشی و انتقالی نی منع ایتکن اما بیرقطار قشلاق و محله لرده ناقانونی یول یوروق لردن فایده لنیب مردم بو اوسیملیک لرنی قاچاق شکل ده باشقه ولایت لرگه انتقال بیره دیلر.

بدخشان ولایتی امنیتی مسوللری اما، بوولایت نینگ برچه تومن پولیس باشلیغ لریگه طبی اوسیملیک لر یغیشی و انتقال بیریشی آلدینی آلیش اوچون جدی اعتبار کورستیش لرینی ایتکن.

بدخشان پولیسی سوزچیسی ثناالله روحانی دیدی عموما طبی اوسیملیک لر بدخشان نینگ اوزاق توشکن وچیگره ده جایلشکن تومن لریده اوسه دی و بو حدودلر عموما دولت قوتلری کنترولی آستیده دیر و بدخشان امنیه قوماندان لیگی زراعت اداره سی رسمی مکتوبی گه مطابق برچه تومن لرده طبی اوسیملیک لرنی ناقانونی یغیش و انتقال بیریشی نی منع ایتکن دیدی.

باشقه تماندن بیرقطار امنیتی قوتلر ایریم تومن لرده مردم دن پول آلیب اولرگه بو اوسیملیک لرنی یغیش گه رخصت بیریشی ادعا بولگن. بدخشان پولیس سوزجی سی اما پولیس قوتلری نی قاچاقچی لربیلن همکارلیگی نی رد ایتیب و مردم دن پول آلیش نی ناتوغری دیب ایتکن.

روحانی جنابلری بدخشان پولیس قوتلری مردم دن باج آله یاتکان و بو اوسیملیک لرقاچاقی ده دخلدار بولگن شخص لرنی توتقین ده آیب عدلی وقضایی ارگان لرگه تانیشتیریش ده قرار آلگن دیدی.

طبیعی منبع لرساحه سیده ایشه یاتکان ارگان لر تمانیدن اوتکزیلگن تیکشرولرگه اساسا بدخشان ولایتی ده اوچ یوزدن کوپراق طبی اوسیملیک لر موجود دیر و بو لردن بیرقنچه سی ناقانونی استفاده بولیش اوچن نابودلیک عرفه سیده دیر.