حکومت نی مردم گه جوابگرلیگی، اهالی نی حکومتلرگه نسبتن ایشانچی نی آشیریش اوچون دموکرتیک تیزیم لر اصولی دیر و اهالی و دولت ارا علاقه لرنی یقین لشتیریش و شونینگ دیک یخشی حکومتدارلیک نشان لریدن سنله‌دی.

دموکراتیک تیزیم لرده، حکومتلر وشندای که مشروعیت لرینی اهالی دن کسب ایته دیلر، قیلگن ایشلریدن اهالی گه معلومات بیریش آرقلی، جوابگرلیک مدنیتی نی رواجلتیریب، شفافیت و حکومتدارلیک دن مردم حمایتی نی قولگه کیلتیریش مقصد اوچون بوندای دستورلرنی یولگه قویه‌دیلر.

بدخشان ولایتی محلی اداره سی، ولایت کینگاشی اعضالری، محلی ترقیات کینگاش لرنماینده‌لری، مدنی جمغرمه فعال لری، قوم آقسقال لری و بدخشان نینگ ۲۷ اولسوال لیگی نماینده لری اشتراکی بیلن اوتکزیلگن یغین ده بیرییل لیک قیلگن ایشلریدن معلومات بیردی.

بدخشان محلی رسمی لریگه کوره بو یغین، اوتکن بیرییل مدتیده بوولاینت نینگ امنیتی، حکومتدارلیگی وضعیتی و اقتصادی ترقیات بویجه عمل گه آشیریلگن ایش وریجه لردن اهالی گه تولیق معلومات بیریش و عینی دمده شفافیت و جوابگرلیک مدنیتی نی رواجلنتیریش مقصدی اوچون یولگه قویلگن.

بدخشان ولایت حاکمی محمد ذکریا سودا بویغینده، اهالی آره سیده خوفسیزلیک تشویش لر کولمی کتته بولگنی وامنیت نی تامین لش مساله سی مردم نینگ اینگ اساسی طلبی بولگنی گه قرگنده، مرکزی حکومت بدخشان نینگ امنیتی تهدیدلریگه جدی اعتبار قرتیب اونی برطرف ایتیش اوچون اوچ اولسوال لیک ( وردوج، یمگان و کران و منجان) نی بوتکل مخالف لردن تازه‌لشدن علاوه،قوراللی طالبان گه آغیر تلفات یتکزیش بیلن، بوگروه نینگ اوروش قابلیت لریگه ییریک ضربه یتکزیش گه موفق بولدی دیب ایتی.

بدخشان حاکمی ” شوحاضرهم تازه‌لش عملیات لر توختتیلمگن و مرکزی حکومت نینگ جدی دقت اعتباری سبب بدخشان، طالبان دن بوتکل تازه لنیشی و خصوصا بوولایت کان لری قوراللی گروه نظارتی ده چیقاریلگونگه قدر دوام ایته دی” دیب تاکیدلشدی.

بدخشان ولایت حاکمی نی ایشتیچه بولایت نینگ ایریم حدودلریده خارجی تروریست لر وطالبان قوراللی لری اقتصادی منبع لردن کتته درآمد کسب ایتیش لریگه قرگنده هلی هم بعضی حدودلرده خوفسیزلیک معما لر موجود و مرکزی و محلی حکومت بو وضعیت گه نقطه قویش اوچون جدی پلان لرنی ریجه لشتیریب عملگه اشیرماقچی.

سودا جنابلری محلی اداره گه اهالی تمانیدن یتیب کیلگن شکایت لردن کتته قسمی ناقانونی قوراللی کیشی لرنینگ فعالیتی گه تیگیش لی بولگنی نی اورته گه قویب بو ناقانونی گروه لرگه قرشی قانونی مناسبت کورستیلیشی اوچون امنیتی ارگانلرگه بو قوراللی کیشی لرنی فیض آباد شهری ایچکریسیده باردی کیلدی سی آلدینی آلیش لری اوچون جدی بویروغ بیرگنی نی ایتی.

بدخشان حاکمی اقتصادی ترقیات دستورلر حقیده علاوه ایتی: ” اوتکن بیرییل مدتیده حکومت سعی وحرکتی سبب تقدیرنامعلوم قالگن نییچه پروژه وضعیتی انیق لنگن دن علاوه، کیله سی ییل ده کوپلب ترقیات پروژه لر بدخشان مرکزی و اولسوال لریده تطبیق بولدی”.

سودا جنابلرگه کوره افغانستان اقتصادی زون لری تقسیماتی بولیمی ده جمهورریس تمانیدن قرتیلگن اعتبار سبب بدخشان ایککی اقتصادی زون گه کیریتیلگن.

بدخشان حاکمی کیله سی ییل ده بو ولایت ده کوپلب پروژه لر تطبیق بولیشی نظرگه توتیلگنی دن علاوه هر اولسوال لیک ده بیر مسجد قوریلشی بودجه اجرتیلگنی، همده ۶۳۱ میلیون دالرخراجت بیلن برق انرژی سی ترماقی قوریلشی وشونینگ دیگ چاروادرالیک، کان لرنی ایشلب چیقاریلیشی، بدخشان ولایتی نی اقتصادی دهلیزگه باغلش کبی پروژه  لر محلی حکومت نینگ ایجابی ایشلری جمله سیده بولگنی نی اورغولشدی.

بدخشان ولایتی اقتصاد اداره سی ریسی عبدالحسیب دقیق هم بو یغینده، اوتکن ییل دن قالگن شورابک برق توغانی،۴۰ کیلومتردن عبارت بولگن فیض آباد _ بهارک یولی و ۱۱۰ کیلومتردن عبارت بولگن بهارک _ اشکاشم یول لری نینگ پروژه لری بویچه تاپیلگن معما و کمچلیک لر برطرف بولیب و شونینگ دیک بدخشان مرکزی و اولسوال لیک لریده کوپلب پروژه لرتطبیق ایتیلیشی کیله سی ییل دستوریده کیریتیلگن دیب ایتی.

بدخشان اقتصاد اداره سی ریسی بو ولایت ده عملی بوله‌یاتگان ترقیات پروژه لر تینگسیزلیگی توغری سیده اهالی نینک تنقیدلریگه جوابن ایتی :” اوتکن ییللرده پروژه لرنی سایلش جریانیده اهالی ارلشمگنی و بیرقطار عالی رتبه لی مقام لرصلاحیتی سبب پروژه لراولسوالیک و محلات ده تینگ تطبیق بولمه‌‌دی اما ایککی ییل دن بیری مردم، محلی ، اولسوال لیک و ولایت سطحی ده‌گی کینگاش لر آرقلی پروژه لر سایلینشی ده بیواسطه حصه قوشیب کیلماقده لر”.بدخشان اقتصاد ریسی گه کوره ترقیات پروژه لرریجه لری بویچه مردم نینگ توغریدن توغری حصه قوشیشی سبب ترقیات پروژه لر نیچه ییل دن بیری تینگ روش ده تطبیق بولیب کیلماقده دیدی.

بدخشان یشوچی لری محلی حکومت نینگ بو حرکتی نی آلقیشلب، حکومت تمانیدن بوندای معلومات بیریش دستورلرنی یولگه قویلیشی هروقت دن کوره کوپراق مردم نی حکومت ایشلریدن آگاه‌لنتیریب بوندای حرکت لر مردم نی دولت گه یقین لشتیریشی گه سبب بوله‌دی دیب ایتکنلر.

بدخشان اهالی سی شفافیت رواجلنیشی اوچون کیله سی ییل لرده محلی حکومت، قیلگن ایشلری نیتجه سیدن مردم گه بیریله‌یاتگان راپور و معلومات لرنی یازمه روشده ترقتیشی نی تکلیف ایتلر.

هرچند هرییلی بدخشان محلی حکومتی اوز ایشلری نتیجه سیدن اهالی گه راپور ومعلومات بیره‌دی اما بو راپوربیریش لرو شونینگ دیک ترقیات پروژه لر تطبیقی و ترقیات بودجه نی توله صرف لنمی قالگنی گه دایر دولتی اداره لرده کیرکلی ظرفیت یوق لیگی و توازن و تینگلیک نظرده آلینمس لیگیدن ایریم تنقید لرگه هم سبب بولیب کیلگن.