بدخشان مستوفيتي عايداتي ٨ فايز آشكن
neshananews
16 January 2020بدخشان ولايتي مستوفيت اداره سي مسول لري بو اداره عايداتي ماليه وزيرليگي تمانيدن تعين لنگن ٢ فايز واوتكن ييل گه قرگنده ٨ فايز كوپيگني دن خبر بيرگن.
بدخشان مستوفيت اداره سي مسول لريگه كوره بو رقم اوتكن اوچ ييل گه قرگنده ٤٠ فايز كوپيگن و بو ايسه بو ولايت ده ساليق تولش مدنيتي رواج لنگي و بو اداره اهالي دن ساليق يغيش گه داير ريجه لريني ني عمل گه آشيريش گه موفق بولگني دلالت بيره دي.
بدخشان مستوفي سي محمد مقصود اصفيا، ماليه وزيرليگي تمانيدن ييل باشي ده تعين لنگن پلان گه مطابق بيز٤١١ ميليون افغاني ساليق يغيشتيريش گه وظيفه لنتيريلگنديك اما بيز ٤٢٠ ميليون و ٣٥٦مينگ افغاني ماليه يغيش گه موفق بولديك كه البته تعين لنگن پلان دن ٢ فايز و اوتكن ييل گه قرگنده ٨ فايز كوپيش ني كورسته دي.
بدخشان مستوفي سي، بو موفقيت ساليق يغيشتيريش گه داير منتظم سيستم ايجاد بولگني، ساليق تولوچي لر اوچون قوليليك لر يرتيلگني، ساليق يغيش گه نسبتن دولت نينگ جدي ايكن ليگي و عيني دمده ساليق تولش اهميتي دن مردم نينگ بيليم درجه سي كوتاريلگني دن دلالت بيره دي ديب ايتي.
بدخشان ولايت حاكمي محمد ذكريا سودا ساليق هفته سي يغيني ده، محلي اداره، دولت عايداتي ني آشيريش اوچون ايريم دستورلرني عملي قيلدي و شونينگ ديك بو توغريده باشقه بير قطار دستور و برنامه لرني عمل گه اشيريشي ني ريجه لشتيرگن ديدي.
بدخشان ولايت حاكمي گه كوره محلي اداره بيرقطار كانلرني قانوني ايشلب چيقاريليشي گه زمينه يرتيش و بيرقنچه كان لرني طالبان و ناقانوني گروه لر نظارتي دن چيقاريش بيلن بو ولايت ده دولت عايداتي ني كوپيتيريش ني مقصد قيلگن ديب ايتي.
بدخشان حاكمي، كان لر، سياحتچليك و سو منبع لري بدخشان نينگ عايداتي سرچشمه لري اوله راق، بير منتظم دستور و ميكانيزم گه ضرورتي بار ديب تاكيدلشدي.
هرچند بدخشان ولايتي، كانلر،سياحتچيليك منطقه لر،سو منبع لري و چاروادارليگ اچون كتته ظرفيت و امكانيتلرگه ايگه بولگن ولايت دير اما بو ولايت نينگ توپلم عايداتي بدخشان نينگ حتي ١١ فايز عادي بودجه سيني هم تامين لي آلميدي.
بدخشان مستوفي سي اصفيا جنابلري بدخشان ولايتي نينگ ١٣٩٨ ييل بودجه سي ٣٧٠٠ ميليون افغاني بولگني ني ايتيب اگر قولگه كيلگن عايدات بيلن بو مبلغ ني تقاص لسك بيز فقط بو بودجه دن ١١ فايزيني تامين لشده قادر ميز و قالگن ٨٩ فايز بودجه مبلغي ني تامين لش اوچون كوپراق سعي و حركت قيليشي ميز لازم ديدي.
بدخشان مستوفي سيگه كوره اولر بو ولايت اوچون اجرتيلگن ٣٧٤٠ ميليون افغاني عادي بودجه دن ٣٧٣٠ميلون افغاني صرفاشكن لر و قريب ١٠ ميليون افغاني ايريم تخصيص لر اجرا ايتيلمگني اوچون صرفلنمي قالگن ديدي.
بدخشان بشوچي لريدن بيري عبدالله، اگر دولت بدخشان ده اوز عايداتي ني كوپيتيرماقچي بولسه بدخشان كان لرني طالبان و ناقانوني گروه لر نظارتي دن چيقاريب بو اقتصادي منبع دن ييريك درآمد كسب ايته اليشي ممكن ديدي.
بدخشان محلي رسمي لري ، اوتكن ايككي آي جريانيده مركزي حكومت قرتكن اعتباري سبب بدخشان نينگ اوچ تومني ني امنيتي قوتلربوتونلي طالبان نظارتي دن چيقاريب و تازه لش عمليات لر دواميده قالگن منطقه لر خصوصا بو ولايت كانلريني طالبان گروهي و ناقانوني قوراللي گروه لر نظارتي دن چيقارماقچي لر.
محلي رسمي لر، بو ولايت نينگ آلتين كانلريني قوراللي گروه لر و طالبان نظارتي دن چيقاريش بيلن بو ولايت نينگ عايداتي كوزگه كورنرلي درجه ده كوپيشي گه اميد باغله گنلر.
