بدخشان ولایتی نسی اولسوال لیگی مرکزی، طالبان تهدیدی آستیده
neshananews
16 March 2020بدخشان ولایتی نسی تومنی مسوللریگه کوره بوتومن نینگ بیرقطار منطقه لری طالبان نظارتی گه اوتکنی دن سونگ، طالبان جنگچیلری سنگرلری نسی تومنی مرکزی یقینی گه یتیب کیلگن وطالبان هرکونی بوتومن نینگ دولتی اداره لری و امنیتی قوتلر قرارگاه لرینی ینگیل و آغیر قوراللر بیلن نشان گه توتماقده لر.
بو اولسوال لیک محلی رسمی لری، اگر مرکزی حکومت و بدخشان محلی رسمی لری بو امنیتی تهدید لرنی برطرف ایتیلیشی اوچون بیران جدی و ایجابی چاره تدبیر کورمسه لر بو تومن مرکزی طالبان نظارتیگه اوتیشی دن آگاهلنتیرماقده.
نسی تومن حاکمی محمدابراهیم قیومی دیدی بو تومن نینگ برچه دولتی اداره لری طالبان قوراللی لری تمانیدن هرکونی نشانگه توتیلیب، کون اوتیشی بیلن تهدید لرکوپیب بارماقده.
قیومی جنابلری طالبان و دولت کوچ لری ارا اوروش فاصله سی بیر کیلومتردن آز راق بولگنی نی اورته گه قویب دیدی:” طالبان جنگچی لرینی اولسوال لیک مرکزیدن فاصله سی قریب آلتی یا یتی یوز متر دیر و حتی اولرنینگ حرکتلرینی بیز آچیق آیدین کوره میز، اولر تپه لیک لرنی کنترول قلیب آغیر قوراللر بیلن هرکونی دولتی اداره لر، امنیتی پوسته لر و اهالی یشش محللرینی نشان گه توتماقده، هوا ایسیب باریشی بیلن طالبان هجوملرینی کوپیتیریب اگربیران اساسی چاره کورین مسه بو تومن مرکزی قوله شی ممکن دیدی”.
بدخشان ولایتی نسی تومن حاکمی دیدی دروازلر چیگره حدودیده جایلشکن بیش تومن نینگ اکثر احتیاجلیک لری تاجیکستان بیلن چیگره داش بولگن کوبریک لرآرقلی برطرف ایتیلردی اما امنیتی تهدیدلر کوپیشی و بو کوبریک لر تاجیکستان تمانیدن دن یاپیلگنی آرتیدن بو تومن یشوچی لری کوپ قیینتچلیک و معمالرگه دچار بولگن.
حاکم گه کوره تاجیکستان و افغانستان ارا کوبریک لریاپیلیشی و امنیتی تهدیدلر کون اوتیشی بیلن آرتیب باریشی سبب اذوق اوقات نرخی بو تومن بازاریده کوتاریلگن وبو موضوع تومن یشوچیلریگه کتته کان معما توغدیرگن.
تومن یشوچیلری هم امنیتی وضعیت یمان لشکنی دن تشویش اظهار ایتیب، نسی تومنی طالبان نظارتی گه اوتکن تقدیرده دروازلرحدویده جایلشکن بیش تومن جدی خطرگه یوزمه یوز بولیشی ممکن دیدیلر.
نسی تومنی یشوچلریدن بیری محمد اسماعیل سامی نی ایتشیچه حکومت مسوللری دقتسیزلیگی سبب، طالبان گروهی بو تومن حدودیده مستحکم قرارگاه لرایجاد ایتیب و جاری ییل ده بو تومن گه قرشی نیچه قانلی هجومنی ریجه لشتیریب عملگه آشیردیلر.
اونگه کوره اگر بو تومن طالبان قوراللی لریدن تازه لنمس، محل یشوچیلری اقتصادی قیینتچلیکلرگه دچار بولیش دن تشقری، بو تومن قوشنی لیگی و چیگره حدودلری ده جایلشکن باشقه اولسوال لیک لرهم خطرگه توشیشی ممکن.
عینی حالده بدخشان محلی رسیملری نسی تومنی برچه حدودلرینی طالبان نظارتی ده چیقاریش اوچون حربی عملیات ریجه لنگنی و یقین کیله جکده عمل گه آشیریلیب بو تومن طالبان جنگچی لریدن تازه لنیشی نی تاکیدلیدیلر.
بدخشان ولایت حاکمی سوزلوچی سی نیک محمدنظری هم نسی تومنی نینگ بیرقطار حدودلری طالبان نظارتی ده اوتکنی نی تصدیق لب طالبان قوراللی لرانده سنده بو تومن مرکزیده جایلشکن دولتی قوتلرگه قرشی هجوم اویشتیریشی دن خبربیرگن.
بدخشان ولایت حاکمی سوزچیسی دیدی نسی تومنی ده‌گی امنیتی قوتلر و اوتمیش ده بو تومن ده یوباریلگن یاردمچی کوچلر بو منطقه دن مدافعه ایتیش ده تیاردیرلر و امنیتی تهدیدلر برطرف ایتیلشی اوچون یقین کیله جکده حربی عملیات نی یولگه قویه دیلر.
نظری جنابلریگه کوره :” بیز حربی عملیات دستورینی قول آوستیده آلگن میز و امنیتی مساله لر سبب اونی قچان عملی بولیشی نی ایتمی میز اما بو دستورعملگه آشیریلیشی بیلن نسی داخل برچه ناتینچ تومن لر طالبان قوراللی لریدن تازه لندی”.
نسی تومنی تاجیکستان چیگره سیده جایلشکن بیش تومن دن بیری دیر، بو تومن نیچه آی دن بیری ناتینچ بولگن. محل ده‌گی دولتی منبع لر گه کوره اگر تومن طالبان نظارتیگه اوتسه؛ باشقه تومن لر امنیتی یمانلشیب طالبان نظارتی گه اوتیش یولی آچیلیشی ممکن دیدیلر.
