تورت كون آلدين جوزجان ولايتي ده امنيتي قوتلر تمانيدن يولگه قويلگن عمليات نتيجه سيده دولت قوراللي مخالف جنگچي لريدن ٢٨ كيشي هلاك و ياره لنيب شونينگ ديك طالبان، حاكم اورين باسري تعين لشگن قاري حفيظ ني بيرمشهور قومانداني هم قولگه آلينگني خبر قيلينگن.

جوزجان ولايت حاكمي سوزلوچي سي عبدالمعروف آذر  اشبو خبرني تصديق لب، شاهين ٢٢٠ ناملنگن يير و هوا آرقلي فيض آباد و خانقاه اولسوال ليك لريده دوام ايته ياتگان حربي عمليات ده قوراللي مخالف لردن ١٠ جنگچي هلاك و ١٨ كيشي قتيغ ياره لنگن ديب ايتي.

آذر جناب لري، طالبان تمانيدن حاكم اورين باسري تعين لنگن قاري حفيظ ني، قاري بيدار ناملي بير مشهور قومانداني كبير ، قولگه آلينيب قانون چنگالي گه تاپشيريلگن ديدي.

معلومات لرگه كوره بو عمليات عاقبتيده دولت نينگ قوراللي مخالف لريگه آغير تلفات يتكزيلگن. عمليات ده ٧ ماين بيكار قلينيب، طالبان نينگ مزار- جوزجان شاه يولي نينگ شيشه خانه و شاه ميرزا منطقه سيده گي ايككي مهم مركزي بوتكل ويران ايتيلگن و بو گروه گه تيگيشلي بير موتر سايكلي هم نابود قيلينگن.

آذر جناب لري عيني دمده بو عمليات جريانيده فيض آباد تومنيده طالبان آتش مه سه سبب عادي اهالي دن كيشي اولديرليب و ينه بير كيشي هم ياره لنگن ديدي. حاكم سوزلوچي سي بو عمليات ده امنيتي قوتلرگه قنداي بير ضرر و صدمه يتكزيلمگني ني هم تاكيدلشدي.