فاریاب ولایتی مرکزی میمنه شهریده، بیرقطار قیز و اوغیل یاشلر امنیتی قوتلر قرارگاه لریگه باریب اولرگه گل و اویلریده پیشیریلگن اوقات ساوغه بیردیلر.

صدمه کورگن باله و عیاللردن حمایه ایتوچی اجتماعی جمغرمه مسولی و بو حرکت نی ریجه لنتیرگن گروه دن بیری نجیب الله پارسا، بو حرکت حقیده نشانه خبر آژانسی گه ایتی:” بیز یاشلر بوکون گل دسته لری بیلن امنیتی قوتلری میزدن حمایت ایتیشی میزنی کورستدیک، بیز بوندای مدنی حرکتلر بیلن امنیتی قوتلری میزدن اوز حمایت و ارقه داشلیک میزنی اعلان ایته میز”.

افغانستان ده امنیتی قوتلرنینگ اساسی مقصد وغایه لریدن بیری اهالی بیلن یقین مناسبت ده بولیش و مردم و امنیتی قوتلرارا فاصله لرنی کمیتیریش و ایککی تمان ارا چوقر علاقه قوریلیشی دیر.

پارسا جنابلریگه کوره “بیز امنیتی قوتلر جان نفدالیکلرینی اونیتمسلیک میز کیرک و بوندای حرکت لرنی یولگه قویش بیلن بو مدنیت نی بوتون افغانستان ده رواجلنتیرش میز لازم”.

میمنه شهری یشوچی سی  مدنی فعال و بو حرکت گه قتنشکن مریم احمدی هم ” بیز بوکون اوزیمیز پیشیرگن محلی اوقات بیلن، اولکه میزنینگ حقیقی چمپیانلریدن ارقه داش لیگی میزنی اعلان ایتدیک و دولت قوراللی مخالف لریگه پیامی میز، اولکه میزده‌گی اتفاق سیزلیک لر آلدی آلینیشی اوچون تینچلیک پروسه سیگه قوشیلیشلری دیر”دیدی.

بومراسم ده اشتراک ایتکن قیزلردن ینه بیری گلچهره هم، امنیتی قوتلر جانفدالیگی دن قدردانلیک و تشکربیلدیریب ” امنیتی قوتلر کیچه کندوز امنیت نی تامین لش اوچون سعی قیلیش لریگه قرگنده مختو و قدردانلیک گه سزواردیرلر و بو قدردانلیک قولی میزدن کیله یاتکان اینگ کیچیک بیرحرکت دیر”دیب ایتی.

باشقه تماندن فاریاب ولایتی ده خذمت قیله یاتگان چیگره قوریقچی قوتلر بیرینچی کندک قوماندانی دگرمن حامد سیفی فاریابلیک یاشلر بو حرکتی نی آلقیشلب ” در حقیقت امنیتی قوتلریدن حمایت ایته یاتگان وطنداش لری میز، امنیتی قوتلرنینگ معنوی سنگرداشلری دیرو بیز اوزاولکه میز و ملت میز ننگ وناموسی دن مدافعه ایتیش اوچون برچه کوچ میزدن فایده لنیشدن ایشانچ بیلدیره میز”دیدی.

افغانستان شمالی ده جایلیشکن فاریاب مملکت نینگ ناتینچ ولایت لری جمله سیدن دیر.

بوندای مدنی حرکت لر و امنیتی قوتلردن حمایت کورستیش، امنیتی قوتلرگه مثبی انرژی بیریب اراده لرینی، وظیفه لرینی بجریش ده کوچ و قوت بیره‌دی.