هرات شهری غربیده بیرایسکرگن و خرابه اوی چهاردیواریده ییل لرچه بو مملکت دن مدافعه ایتیش اوچون کورشگن بیریاش ییگیت اوزینی اسیر قیلگن.

ناگرانلیک نینگ جسمی دردی، یکه لیک مشقتی و دولت مسوللری دقت سیزلیگ قیغوسی، بو یاش ییگت بیلی نی خم قیلگن.

بوندن بیرقنچه مدت آلدینگه چه سینه سی نی اولکه سی یاولری اوقی برابریده قلقان قیلگن حسین قربانی نینگ روزغاری ایندی لیکده اونچه لیک مشقتلی دیرکه اونی دنیا سی بیرویلچر و ایککی چولاغ ایاغ بیلن قسقریلیب کیچیک بولگن.

 هرچند حسین اوچون اوروش تمام بولگن اما او ایندی اوروش نینگ باشقه بیر توری بیلن کورشماقده. بو کورش ایسه اونی جسمی گه قالگن ناگرانلیک دردی و قیغوسی گه قرتیلگن دیر.

ناگرانلیک مشقت لری 

 مملکت ده دوام ایتیب باره یاتکان اوروش منظره سی، اکثر آدم لر آنگی ده پارتلش ، انتحار ، اوق ، ملتیغ ، توپ و تانک آوازینی تصویرلیدی، اما بیر پارتلش یوزبیریشی، اوروش ناگران لری اوچون بیر اولیملی کابوس منظره سینی ایسگه کیلتیره دی.

بیش ییل آلدین، ارزگان ولایتی ده یول چکه سیده اورنتیلگن ماین پارتلشی دن نیچه لحظه آلدین گه چه، حسین قربانی حتی تصور هم قیلمسدی که اوز ساغلیگی نی قولدن بیریشی بیلن، اولیم کوته یاتگان لر صفی گه قوشیلیشی ممکن.

حسین دیدی؛ اون بیر ییل مملکت نینگ اینگ ناتینچ حدودلریده مملکت امنیتی قوتلری صفیده وظیفه بجرگن، اما حسین ۱۳۹۳ نچی ییلی ارزگان ولایتی ده ملی اردونینگ کوماندو قوتلری صفی گه قوشیلیش اوچون باره یاتگان پیتده، یول چکه سیده اورنتیلگن ماین پارتلشی اونی دایم خانه نشین قیلگن.

حسین بو پارتلش ده بیلی دن صدمه کوردی و نخاع تامری کیسیلدی، بو حالت اونی قیته ایاغ اوستیگه توختتشی نی ناممکن قیلدی.

دولت حمایتی ده بهره سیز

حسین قربانی نینگ کونده لیک حیاتی ناگرانلیک یاره سیدن کوره اوته دردلی و قیغولی دیر،چونکه دولتی مسوللرنی اعتبارسیزلیگی او و عایله سینی کتته کان اقتصادی معما و قیینتچلیک لرگه دچار قیلگن. او بیران بیر شخص دن قدردانلیک و تشکر کورستیلیشی نی کوتمی من دیب اما اونی یگانه آرزوسی ،دولتی مسوللر تمانیدن اونی دوالنیشی و عایله سی اقتصادی قیینتچلیک لرینی برطرف ایتیش اوچون بیران ایجابی آدم کوتاریشی بولگن و خلاص.

حسین حتی ملی اردو کوماندو قوت لری صفیده وظیفه بجریش اوچون شرطنامه گه قول قویمه گنی سبب امنیتی قوتلر ناگران لری رویخطی ده الینمگنی اوچون حاضرگه قدر هیچ بیر آی لیک اله بیلمسلیگی دن خفه دیر، بو مدت ده فقط شخصی سرمایه سی و خلق ارا قیزقاش کمیته سی یاردم لری باعث تیریک قالگن و حاضرایسه حسین ، اون یاشلی اوغیلی و سکیز یاشلی قیزی داخل تورت کیشی لیک عایله سی بیلن شخصی سرمایه سی یکونلنگنی سبب حتی اوی کرایه سینی تولشده باشقه بیر تنگه سی هم قالمگن.

او بیرییل دن بیری بستر یاره سی کسل لیکی گه هم دچار بولگنی اوچون قیزیل قاش کمیته سی شفاکارلری اونی علاجی نی کابل گه سفرقلیشی و جراحلیک بولیشی نی ایتکنلر، اما حاضرچه اوزینی دوالش اوچون بیر تنگه سی هم یوق.

تینچلیک آرزوسی 

هرچند اوروش حیسن نینگ برچه امیدلرینی برباد قیلگن اما اونی فقط بیر آرزوسی قالگن. اوایسه اولکه سیده دایمی تینچلیک تامین لنیشی دیر.

حسین دیدی؛ ارزوم شوکه مملکت میزنی هیچ بیر جایی ده امبولانس آوازی ایشیتلمسون.نیگه که امبولانس آوازی ، پارتلش، جراحت و اولیم لحظه لرینی ایسگه کیلتیره دی.

هرحال ده اوز یاشلیک حیاتی دن اون بیرییل نی اولکه سی و وطنداشلری امنیت وخوفسیزلیگی نی تامین لشده صرفلشکن حسین اوچون بونچه لیک مشقت و قشاقلیک بیلن حیات کیچیریش سزاوار ایمس.درحقیقت اونی حقی بو ایمس که بو مملکت نینگ بیرچکه سیده اوزینی دوالش و عایله سی روزغارینی اوتکزیش اوچون انتظار تارتسه. مملکت مسول لری اونی اینگ آز بیر اوروش ناگرانی صفتیده تن آلیب اوندن کیرک بولگن مالیوی حمایت لرنی کورستیش بیلن اونی جراحت و دردلریگه مرهم بولیش لری کوتیلماقده.