01-48-880x550

هرات لیک لر مهربان لیک بیلن کرونا گه قرشی کورش ماقده

neshananews

16 March 2020

هرات ده کرونا ویروسی ییرلیشی و سودا ساتیق بازاری کسادگه اوچره گنی آرتیدن نیچه دوکان ایگه سی حمل آیی کرایه سی نی دوکاندارلردن المسلیک گه قرار آلگن.

حاجی عبدالکریم تواین، اهالی نینگ آلقیش و مختوی گه سزاواربولگن بیرحرکت آرقلی، کرایه گه بیرگن ۱۲ دوکانی نینگ ۱۳۹۹ ییلی حمل آیی کرایه سی نی دوکاندارلرگه بغیشله گن.

بو دوکان لر نینگ بیر آی لیک کرایه سی ۴۵۰ مینگ افغانی تخمین بولگن.

تواین جنابلری دیدی، او دوکاندارلرنینگ بیر آی لیک کرایه سی نی بغیشله گنی بیلن دوکاندارلردن، دوکانلریده گی اشیالرنی اوتمیش دن کوره مردم گه ارزان ساتش لرینی وعده آلگن.

تواین جنابلری بو قرارنی نمه اوچون آلگنی حقیده دیدی؛ نیچه کیچه آلدین، حاجتمند کیشی لرگه پول ترقتیشیم نی تیش کوردیم و کرونا ویروسی ییرلیشی و دوکاندارلر بازاری کسادگه اوچرگنی حالده مردم قولینی اوشلب اولرگه یاردم کورستردیم.شونی اوچون نیچه کون دن سونگ ۱۲ دوکانم کرایه سینی دوکاندارلردن المسلیک گه قرار آلدیم دیب ایتی.

هر ییل هرات ده بهار و نوروزعرفه سیده حوت آیی سونگی کونلریده بازارلر قیزیقیب و آلدی ساتدی اوز اوجی گه یتردی اما ۹۸ نچی ییلی سونگی کونلری اهالیگه خوش یوقمدی.چونکه هرات ده کرونا ویروسی ییرلیشی دن سونگ بازارلرده معامله و آلدی ساتدی کمیشی بیلن مردم نینگ درآمدی هم پسگه توشکنی یقال معلوم.

هرات اقتصاد ارابه سی حرکتی کرونا ویروسی ییرلیشی دن سونگ سوسیب و بو وضعیت دوام تاپکن تقدیرده بو ارابه بوتکل حرکت دن قالیشی هم کوتیلماقده.

اما بازارده‌گی کاسیب لر دردینی کمیتیره‌یاتگان نرسه ایسه، دوکان ایگه لری نینگ انه شندای خیرخواه لیگی دیر.

تواین جنابلری باشله گن حرکت باشقه لرتمانیدن آلقیشلنیب دوام ایتیشی نی برچه هرات لیک دوکاندارلر کوتماقده لر.

تواین جنابلری، باشله گن حرکت دن باشقه کیشی لرهم اورنک آلیش نی امید قلیب مردم بوندای بیر یمان حالت ده بیربیرلر قولی نی اوشلب یاردم کورستیش لری کیرک دیدی.

باشقه تماندن کیله سی ییل حمل آیی کرایه سینی تولشگه قادر بولمگن دوکاندارلرهم تواین جنابلریگه بیرگن وعده لرینی عملی قلیش دن سوزبیریب اشیالرنی مردم گه ارزان ساتیش لرینی ایتیشماقده لر.

بو دوکاندارلردن بیری، بو خیرخواه لیک سلسله بیربیریدن اجرلمسلیگی لازم لیگی اورغولب، مین هم اوز نوبتیم ده دوکانیم ده‌گی اشیالرنی ارزان ساتیشگه حرکت قیله من دیب سوزبیردی.

قریب ۸۰ یاشده بولگن حاجی عبدالکریم تواین هرات شهری نینگ مشهور کسبه کارلریدن بیری دیر، او اوز عمری نینگ ۶۰ ییلی نی تیش توزتیش ده صرفلگن.

کرونا ویروسی هرات اقتصادیگه یتکزگن صدمه سی هیچ کیم گه سیرایمس.اما بوآره ده ایریم دوکاندارلرهم بارکه آی لیک کرایه لرینی تاپیشگه قینلماقده لر.

بو دوکاندارلرایسه، تواین جنابلری باشله‌گن سلسله دوام تاپیشی نی کوتیب باشقه دوکان ایگه لری هم بو خیرخواهانه حرکت دوام ایتیب مردم گه یتکزیلگن خساره لر بیرآز کمیشی نی امید قیلماقده لر.