بدخشان ده کرونا ویروسی نی یوقتیرگن ایلک مثبت واقعه رویخط ده آلینگنی دن سونگ، بو ولایت ایرته دن اوچ هفته گه چه قرنطین بولماقچی. بدخشان محلی رسمی لری بوقرار کوید۱۹ ویروسی تاباره ییرلیشی آلدینی الیش اوچون آلینگن دیب ایتکنلر.

بدخشان ولایت حاکمی محمد ذکریا سودا، بوکون( سه شنبه ۱۲حمل) بیرخبری یغینده بو ولایت نی قرنطینبقیلیش لایحه سینی رسانه لربیلن اورتاقلشیب بدخشان ولایتی ایرته ( سه شنبه ۱۳ حمل) کونیدن اوچ هفته گه چه قرنطین گه سخلنیشی نی اعلان ایتی.

بدخشان ولایت حاکمی دیدی، داروخانهلر، آذوقه ساوتچی و ایریم عاجل خذمت یتکزوچی اداره لردن اوزگه، برچه دولتی و نادولت اداره لرو تعلیمی مرکزلرایرته دن تعطیل بولیشی لازم.

بو ولایت نینگ قرنطین ده سخلنیش لایحه سیده تفصیلاتی گه کوره هرقندای دینی و مذهبی مراسم لر، بیش وقت لیک نماز، جمعه نمازی، واهالی اشتراکی بیلن اوتکزیله یاتکان ختم قرآن مراسملری، توی ، شیرینی خورلیک، سپورت بیله شولری و هرقندای عمومی یغین اوتکزیلیشی منع ایتگنی تاکید لنگن.

 بدخشان ولایت حاکمی، شفاکارلرتوصیه لریگه مردم نی عمل قلیش لری اوته مهم بولگنی نی تاکیدلب محلی رسمیلر بو لایحه نی عمل گه آشیریش اوچون برچه امکانیت لردن فایده لنیب بو لایحه گه اعتبار بیرمه یاتکان کیشی لرگه قرشی جدی مناسبت کورستیلیشی دن آگاهلنتیردی.

سوداجنابلری، بدخشان ده کرونا گه قرشی کورش کمیته سیگه عضو بولگن برچه اداره لربیلن هماهنگ لیک بولگنی نی اورته گه قویب ایرته دن بو لایحه نی جدی روش ده عملی قیلیش لری شرط دیب تاکیدلشدی.

بدخشان محلی رسمیلری، عینی دمدمه یادرملرنی یغیش، شهرده ساغلیک نی سخلش اصوللرنی رعایه ایتیلیشی دن نظارت قیلوچی، شبهه لی و ایران دن تازه قیتیب کیلگن شخص لرنی تاپیش و نرخ لرنی کنترول قیلیش اوچون مخصوص کمیته لر ایجاد بولگنی دن خبر بیریب  بو کمیته لرمسول واعضالری هرکون فعال بولیب اگر اهالی بولایحه نی نظر ده توتمسه لراولرگه قرشی قانونی مناسبت کورستیله دیب ایتی.

 بدخشان عامه ساغلیک اداره سی ریسی نورخاوری هم کرونا ویروسی نی یوقتیرگن کشی لرنی مراقبت و دوالنیشی اوچون بیر مخصوص شفاخانه نظرگه آلینگنی دن خبر بیریب بو شفاخانه ده شبهه لی وکرونا ویروسی نی یوقتیرگن کیشی لر سخلنه دی دیدی.

 بدخشان عامه ساغلیک اداره سی ریسی :« بیز بدخشان نینگ برچه اولسوال لیک لریگه ایران دن تازه قیتیب کیلگن شخص لرنی اگر کرونا علامه سی بولسه یا بولمسه ۱۴ کون گه چه اویلریگه قرنطین گه سخلنیشی اوچون بویروغ صادر قیلگن میز.» دیب اعلان ایتی.

بدخشان عامه ساغلیک اداره سی ریسی گه کوره کرونا ویروسی گه قرشی کورشده کیرک بولگن یاردم لر، مملکت ساغلیک نی سخلش وزیرلیگی تمانیدن بدخشان گه یوباریلگن وکرونا ویروسی نی یوقتیرگن کیشی لراوچون اجرتیلگن کسلخانه توله تیارگرلیک گه ایگه دیر.

عینی دمده بدخشان ولایتی دین عالملر کینگاشی ریسی سعدالله ابو امان بدخشان ولایتی قرنطین لایحه سینی آلقیشلب محلی حکومت بو لایحه نی عملی لشتیریش اوچون هیچقندای سعی و حرکت دن ایه مسلیگی کیرک دیر دیب اعلان ایتی.

 بدخشان ولایتی دین عالملر کینگاشی ریسی علاوه ایتی:« بو لایحه گه قرشی لیک کورسته یاتکان کیشی لرُ هوتل لر، حمام لر، دوکان لرو باشقه کسبه کارلر اگر اوز ایش لرینی اوچ هفته مدتیده تعطیل قیلمسه لر حکومت تمانیدن توتقین ده آلینیب و جزالنتیریلیشی لری کیرک.»

 بو دین عالمی شونینگ دیک بدخشان ولایتی عالم لری همکارلیگی بیلن تعین بولگن مهلت گه قدر ضرور بولمگن یغین لر آلدینی آلیش اوچون سعی وحرکت قیلیشی دن ایشانچ بیلدیردی.

باشقه تماندن بیرقطار کسبه کارلر، دستفروش لر و کونده لیک ایشچی لربو لایحه عملی بولیشی دن تنقیدلب بو قتلم کوپگینه قیینتچلیک لرگه دچار بولیش لری ممکن دیب ایتکن لر.بوشخصلر نیچه ساعت بدخشان ولایت حاکملیگی مقابلی ده توپلنیب ولایت حاکمی دن ایش لری منع ایتیلمس لیگی نی طلب ایتیلر. اولرعینی دمده اگر کوندوز کونی بادری کیلدی منع ایتیلسه بو قتلم گه نقدی یاردم کورستیلیشی نی تکلیف ایتیلر.

 بدخشان ولایت حاکمی اما قرنطین کونلرده حاجتمند کیشی لرگه یاردم کورستیش اوچون مرکزی حکومت هدایاتی نی کوتماقده میز و اگر حکومت و یاردم یتکزوچی ارگانلرتمانیدن یاردم کورستیلسه حاجتمند و قشاق کیشی لرگه یاردم یتکزیش پروسه سی باشلنه دی دیب ایشانچ بیلدیردی.

 شفاکارلرتوصیه لرنی جدی توتمسلیک وساغلیک نی سخلش توصیه لریگه بدخشان اهالی سی نینگ اعتبار قرتمسلیگ لری بو ولایت مدنی فعاللری ارا جدی تشویش لرنی توغدیرگن.مدنی فعال عبدالبصیروثیق،ولایت لرنی قرنطین قیلیش اوچون کابل و باشقه بیرقطار ولایتلرنینگ ناکام تجربه سی سبب بدخشان ولایت اهالی سی بو لایحه عملی بولیشی گه ایشانچ حاصل قیلمگن لر دیب فکربیلدیردی.عینی حالده بدخشان پولیس قوماندانی اسدالله محمدی، پولیس قوتلری بیر منتظم دستوراساسی ده قرنطین لایحه سینی بوولایت ده عملی قیله دیلر دیب خبر بیرگن.

افغانستان عامه ساغلیک وزیرلیگگی تمانیدن نشر بولگن معلومات گه کوره حاضرگه قدر ۱۷۴ کیشی مملکت ده کرونا ویروسی گه چلیگن.بو آره دن فقط بیر مثبت واقعه بدخشان ده رویخط ده آلینگن.

 ساغلیک نی سخلش متخصص لریگه کوره بدخشان ولایتی ده کرونا ویروسی نی یوقتیرگن کیشی لر سانی کوپ دیر، چونکه بو ولایت ده معیاری لابراتوار بولمگنی و کابل گه یوباریله یاتگان نمونه لرنی انتیق لنتیریش اوچون کوپ وقت کیرک بولگنی سبب بدخشان ولایتی ده بو ویروس نینگ مثبت واقعه لری انتیق لنمی قالیشی ممکن.