اردو: القاعده ترماقیني آلتی اعضاسی هلمندده اولدیریلدی
میوند ۲۱۵ قول اردوسی هلمند ولایتی ده ملي اردو هوا هجومیده القاعده ترماقینینگ آلتی اعضاسي اولدیریلگنی دن خبربیرگن.
بوقول اردو بوکون ( پنجشنبه ۱۳ جوزا ) نشرایتکن خبرنامهسیده القاعده ترماقی جنگچی لری اوتکن کونی هلمندولایتی ناوه تومنی حدودیده طالباننینگ بیر یاشیرین قرارگاهی ده نشانگه توتیلگنی ني تاکیدلشکن.
میوند قول اردوسی خبرنامهسیده القاعده ترماقیني بو اعضالری پاکستاننینگ پنجاب و وزیرستان ایالتلری یشوچیسی بولگنی قید ایتیلگن. بونگه قوشیمچه بو هوا هجومی نتيجه سیده طالبان قوماندانلریدن بیری ملاشفیق داخل سکیز جنگچیسي اولدیریلگنی خبرنامه ایتیلگن.
طالبان گروهی حاضرگه قدر بو باره ده بیران نرسه ایتمگن. بوندن آلدین جنوبی هلمندولایتیده القاعده ترماقی اونلب جنگچی لری اولدیریلگنی خبر قیلینگندی. افعانستان دولتی گه کوره اوروش میدانلریده القاعده گروهی جنگچیلری حضوری، طالبان و القاعده ارا چوچقر علاقه بارلیگیدن دلالت بیرهدي.