بدخشانده اعتراصچیلر اوتیریشی ایککینچی کونی؛ حاکمني چیتلشتیریب جزالنتیرینگ
بدخشانده اعتراضچیلر اوتیریشی ایککینچی کونده دوام ایتماقده. اعتراضچیلر بدخشان ولایت حاکملیگی ایشیگی مقابلیده چادر تیکلب ولایت حاکمیني ایشدن چیتلشتیریلیب محکمه بولیشی و عادی اهالیگه اوق آتیشکن کیشی لرنی جزالنتیریلیشی ني طلب ایتکنلر. اعتراضچیلر مرکزی حکومت تمانیدن بیزنینگ طلبلریمیز قبول قیلینمسه اعتراضی میزنی دوام ایتیره میزدیب اگاهلنتیرگنلر.
اوتکن کونی ( سهشنبه ۱۸ جوزا) یولگه قویلگن نمایشده قربان بولگن کیشیلر عایله اعضالری و مردمنینگ ولایت کینگاشیدهگی وکیللری اعتراضچیلرگه قرشی زوروانلیکلر هرتمانلهمه محاکمه ایتیلیشی و اونی عامللری جزالنتیریلیشی نی طلب ایتکنلر.
بدخشان ولایتی ساغلیک ني سقلش ادارهلری راپوریگه کوره اعتراضچیلرگه قرشی امنیتی قوتلر و ولایت حاکملیگی قوریقچیلری اوقآتیشی سبب تورت کیشی اوزجانیني قولدن بیریب و ۵۰ دن کوپراق کیشی جراحتلنگن. بو رسمیلر یارهلنگنلردن اون کیشی احوالی آعیر ایکنی دن خبربیرگن.
اوتکن کونی قربان بولگن شخص آتهسي روحالامین امانی، بیز قانونی حقی میزدن فایدهلنیب بو نمایش آرقلی ایچیملیکسو، برق و امنیت یوقلیگی سبب اعتراض و طلب میز ني مسووللرگه یتکزماقچی ایدیک اما محلی حکومتني زوروانلیگی بیلن یوزمه یوز بولدیک دیب ایتی. اونگه کوره یالغیز حاکمنینگ چیتلشتیریلیشی ییترلی ایمس بلکه مرکزی حکومت عدالت تامینلنیشی اوچون بدخشان حاکمیني محکمهگه تانیشتیریشی لازم ديدي.بو اعتراضچیلر آلتی مادهلي بیر قرار هم صادر قیلیب مرکزی حکومت دن بدخشان اهالیسي طلبلری تامینلنیشی و اعتراضچیلرگه قرشی محلی حکومت زوروانلیگی ني جدي تیکشیریشیني طلب ایتکن. بو قرارده، اعتراضچیلرگه قرشی اوق آتیش بدخشان حاکمی ذکریاسودانینگ بویروغی بیلن عملگه آشکنی و ریزرف کوچلر قوماندانی ولیالله و دشتشهدا ایکینچیپولیس حوزه باشلیغی شمسالله اعتراضچیلرگه قرشی اوقآتیشکنی تاکیدلنگن.
عینیحالده اعتراضچیلر مرکزی حکومتدن بو زوروانلیک عامللری هرقنچهتیزراق عدالت و قضایی ارگانلرگه تانیشتیریلیی و محکمه بولیشی ني طلب ایتکنلر.
بو قرارگه کوره بدخشان اهالیسي ینهبیر بار امنیت تامینلنیشی، ایچیملیکسو و برقانرژیسیگه قول تاپیش اوچون تاکیدلب بو طلبلری عملی بولگونچه اعتراضدن قول تارتمسلیکلری تاکیدلنگن.
بو قرارده اعتراضچیلر بدخشان حاکمیني ناقانونی قوراللیگروهلردن حمايت ایتیشگه عیبلب بهارک تومنیده ناقانونی قوراللی گروهلر ارا توقنشولرنینگ بیر تمانی ولایت حاکمی تمانیدن حمايت بولیب بو تارتیشولر نيچه بار مردمدن قربانلیک آلگنی تاکیدلنیب و تازهلیکده عادی اهالیدن ایککی کیشی اوزجانیني بهارک تومنیده قولدن بیرگنی قید ایتیلگن. بو قرارده یازیلیشیچه” بیز مرکزی حکومتدن ایستیمیز، بدخشاننینگ ناتینچ بولیشیده ولایت حاکمی تمانیدن ایریم گروهلر قورالنتیریلیشی حرکتلریگه نقطه قویسین.”
بدخشان ولایت کینگاشی رییسی بشیرصمیم هم اعتراضچیلرگه قرشی زوروانلیک نی قارهلب مدني اعتراض هربیر وطنداشنینگ حقی دیر و محلی حکومت مردم طلبلریگه اوق بیلن جواب بیرمسلیگی لازم ایدی دیب ایتدی. بدخشان ولایت کینگاشی رییسیگه کوره موجود وضعیتني تیکشیریش اوچون مرکزدن هیات کیلیشی لازم و اوتکن کونی یوز بیرگن زوروانلیک عامللری تانیلیب عدالت و قضایی ادارهلرگه تانیشتیریلیشی زمینهسي مساعد بولیشی کیرک ديدي.
باشقهتماندن بدخشان ولایت حاکمی ذکریاسودا بیرقطار استفادهجو شخصلر مردمنینگ تویغو و احساساتیدن سواستفاده قیلیب مردمني زوروانلیکگه ترغیب ایتکنلر دیب ایتکن. بدخشان ولایت حاکمیني ایتیشیچه اعتراضچیلردن کوپراقی حزب” تحریر” و اوني مخالفلریدن بیرقطار جريانلر اعضالری بولگن و تاش، یاغاچ، بیل و زاغلین بیلن ولایت حاکملیگی گه قرشی هجوم اویشتیردیلر.
سوداجنابلری علاوه ایتی مردم بیلن صحبتلشده سعی و حرکتیم نتیجهسیز قالدی و اعتراضچیلر منی صحبتمني تینگلشده حاضر بولمدیلر ديدي. بدخشان حاکمی مردمنینگ اوتکن کونیدهگي اعتراضی بیر تونتروگه اوخشردی اما امنیتی قوتلر تمانیدن دفع ایتیلدی ديدي.
بونگه قوشیمچه اعتراضچیلر شوحاضر اوتیریش خیمهسي تیکلب حاکمنینگ ایشدن چیتلشتیریلیشی و محکمهگه تارتیلیسی ني طلب ایتماقدهلر. اعتراضچیلر طلبلریمیز بوتونلي عملی بولمسه مدني اعتراض میزنی یکونلنتیرمیمیز دیب ایتیشماقدهلر.