تخارولایتی بنگی تومنیده طالباننینگ آغیرتلفاتی
تخارولایتی محلی رسمیلری، امنیتی قوتلر تمانیدن بنگی تومنیده ییر و هوا دن تازهلش عملیاتی یولگه قویلگنی نتیجهسیده طالبان جنگچیلریگه آغیر تلفات یتکزیلگنی دن خبر بیرگن. بو تازهلش عملیاتده بیرقطار جهادی قوماندانلر و محلی قوتلر قتنشکندی.
تخارولایت حاکمی سوزچیسی حامدمبارز ديدي بو عملیات اوتکن کونی ( جمعه ۲۱ جوزا) بنگی تومنیده یولگه قویلیب حاضرگه قدر دوام ایتماقده. اونگه کوره بو عملیات نتیجهسیده طالباننینگ ۲۹ جنگچیسی اولدیریلیب و ۳۸ جنگچیسی یارهلنگن.
تخار ولایت حاکمی سوزچیسی، عملیاتده حاضرگه قدر ” چشمهبنگی” منطقهسي طالبان گروهی جنگچیلریدن تازهلنگنی و “سیاب” منطقهسیگه تیگیشلی بولگن باشقه قشلاقلرده تازهلش عملیات دوام ایتماقده دیدی. او، طالباننینگ بهارک، نمکآب، درقد و ینگی قلعه تومنلریگه قرشی هجوملری هم اوتکن کیچه شکستگه اوچرب، طالبان جنگچیلری آغیر تلفات کورگن دیب ایتی.
حامدمبارز بو تومنلرده ایککی تمان ارا یوزبیرگن توقنشولر نتیجهسیده طالباننینگ سکیزجنگچیسي بهارک تومنیده و تورتجنگچیسی نمکآب تومنیده اولدیریلگنی و یتی جنگچی یارهلنگنینی
تاکیدلشدی.
تخار ولایت حاکمیني معلوماتیگه کوره ایککی تمانارا توقنشولرجریانیده امنیتی قوتلردن ایککی کیشی اولدیریلیب و ایککی عسکرهم جراحتلنگن.
مبارزجنابلری، منطقهده تازهلش عملیاتی یولگه قویلگنی آرتیدن تخارولایتینینگ چاهآب تومنیده خوفسیزلیک وضعیت عادی لشکن و طالبان جنگچی لری بو ساحهدن آرقهگه چیکینگن دیب ایتی.
اوتکن بیرآی مدتیده طالباننینگ تخارولایتی بیرقطار تومنلریگه قرشی هجوملری شدت آلگندی اینگ سونگی واقعه گه کوره طالبان گروهی بو ولایتنینگ اشکمش اولسواللیگی نی ایککی کون آلدین تصرف ایتکندیلر.