هندوستان نینگ کابولدهگی اېلچیسی: ینگیدهلی قیینتچلیک پیتیده کابلنی یالغیز قویمیدی
هندوستان نینگ کابولدهگی اېلچیسی رادرندرا تندرن نینگ ایتیشیچه، ینگی دهلی نینگ افغانستاندهگی اشتراکی دوام اېتیب و مملکت حاضرگی قیینت شرایطیده افغانستاننی یالغیز قۉیمیدی.
ملي مدافعه وزیرلیگی مطبوعات سوزچیسی اۉرینباسری فواد امان اۉزی نینگ تویتتر-دهگی صحیفهسیده بوگون (پنجشنبه ۱۷ سرطان) جناب تاندن ملي مدافعه وزیری سرپرستی بسم الله محمدي بیلن اوچرهشوو پیتیده بو اظهارات ني ایتکنی دن خبربیرگن.
جناب امان نینگ سۉزلریگه کۉره، هندوستان اېلچیسی هندوستان افغانستان حکومتینی، خصوصاً خوفسیزلیک کوچلرینی قۉللب-قوّتلشده دوام اېتیشینی قۉشیمچه قیلدی. ملي مدافعه وزیرلیگی سوزچیسی اۉرینباسری بو بارهده قۉشیمچه تفصیلاتلرنی یازمگن.
یقینده، مملکتده طالبان تمانیدن زۉروانلیکلر اوج آلگنیدن سۉنگ، هندوستان تشقی ایشلر وزیری افغانستاندهگی وضعیت بیلن باغلیق قطار منطقوي سفرلرنی باشلهدی. هندستانتشقی ایشلر وزیری سوبر امنیام جیشنکر کېچه اېرانگه سفر قیلدی و بوگون روسيه پایتختی مسکوگه باریب، افغانستاندهگی خوفسیزلیک حالتی بۉییچه روسيه رسميلری بیلن مذاکرهلر اۉتکزیشی کېرک.
هندوستان نینگ افغانستان نینگ خوفسیزلیک حالتینی یخشیلش بۉییچه منطقوي حرکتلری اوندای بیرحالده باشلنگن که پاکستان باش وزیری عمران خان اۉتگن هفته جریانیده افغانستانده طالبلرنی سونگگی حربی یوتوقلرنی حاصل قیلگنی بیلن هندوستان، اېنگ کۉپ یوتقزگن دېب دعوا قیلگن.