عبدالله غربي مملکتلر نینگ قۉشمه بیاناتیني آلقیشلدی: طالبان مضمونلی تینچلیک مذاکرهلریگه اۉتیشی کېرک
افغانستاندهگی اوروشنی توگهتیش تۉغریسیده ۱۵ دولت سیاسي هیاتلری نینگ قۉشمه بیاناتی ممنونیت بیلن قبول قیلگن ملي یرهشیش کېنگاشی نینگ رئیسی عبدالله عبدالله طالباننی مضمونلی تینچلیک مذاکرهلریگه چقیردی.
ملییرهشیش عالي کېنگاشی بوگون ( دوشنبه ۲۸ سرطان ) نشرایتکن خبرنامهسیده اونبیش مملکت قوشمه اعلامیهسینی آلقیشلب مملکتده زوروانلیکلر تیزلیکده توختتیلیشیني طلب ایتکن.
خبرنامه ده عبدالله جنابلریدن اقتباس کېلتیریب یازگن اگر طالبان زور و اوروش آرقلی اوز ارادهلرینی مردم گه یوکلنتیرماقجی بولسه توللب بولمس خطا گه دچار بولیش لری حتمی دیر.
جناب عبدالله نینگ تأکیدلشیچه، مملکتده زۉرآورلیک نینگ دوام اېتیشی اوروشنی دوام اېتتیریش اوچون زمینه یرهتهدی و طالبلر تینچ اهالیگه قرشی زۉرآورلیکنی دوام اېتتیرمسلیگی کېرک.
ملي یرهشیش عالي کېنگاشی رئیسی، طالبلر زۉرآورلیکنی کوچهیتیرمسلیک اۉرنیگه مضمونلی تینچلیک مذاکرهلرینی آلیب باریشی کېرکلیگینی تأکیدلهماقده.
عینِ پیتده ۱۵ مملکت دیپلوماتیک وکالتخانهلری، اورپا اتفاقی و ناتو نینگ افغانستاندهگی ملکی نمایندهلیگی بیر قوشمه اعلامیهده مملکتده زۉرآورلیکلرنی زودلیک بیلن توختهتیش و طالبان تمانیدن آتشکیسیم اورنتیلیشی طلب ایتکن. طالبان حاضرچه بو حقده بیران ایضاح بېرمهگن.