دولت و طالبان نينگ مذاكره قيلوچي هياتلري عمومي يغينب قطرده اوتكزيلدي
sonia
16 September 2020افغانستان دولت نينگ مذاكره قيلوچي هياتي سوزلوچيسي، دولت و طالبان نينگ مذاكره قيلوچي هياتلري عمومي يغيني قطرده اوتكزيلگني دن خبر بيردي.
افغانستان دولتي مذاكره قبلوچي هياتي سوزچيسي نادر نادري بوكون (چهارشنبه ٢٦ سنبله) نشانه خبرآژانسيگه بير ويديو كيليپ جونتيب ايتكن بو يغين اوتكن كوني توش دن سونگ قطرده اوتكزيلدي. نادري جنابلري، ايككي هيات رييسلري بو يغين ده صلح مذاكره لري ايش طريقه سي بويچه كيلشو حاصل بولگني ني اورغولشديلر.
صلح مذاكره لري ايش طريقه سي بوندن آلدين ايككي تمان نينگ تماس گروهي اعضالري تمانيدن تصديق لنگندي.
نادري جنابلري علاوه ايتي مذاكره ني ايككي تماني مذاكره جريانيده صبر چيدم دن ايش آلينيشي و تارتيشو و جنجال دن واز كيچيش ده تاكيدلشديلر.
اوني معلوم قيليشيچه هر هيات دن ايككي كيشي مذاكره لر يغين لريني هماهنگ لشتيريش اوچون سايلنديلر و بو ايككي كيشي كيله سي يغينلرني ريجه لشتيريديلر.
نادري جنابلريگه كوره اوتكن كيچه كي يغين جريانيده صلح مذاكره لري ايش طريقه سيني يكونلنتيريش ده ايشلندي و مذاكره لر اجنداسي، وقتي و ايككي تمان هياتلري نينگ سونگي دور عمومي مذاكره لر موضوع لري بويچه بحث بولدي.
افغانستان دولتي و طالبان گروهي ارا مذاكره لر باشلنيش مراسمي اوتكن پنجشنبه كوني( شنبه ٢٢ سنبله ) قطرده اوتكزيلدي. بو يغين ده اونلب مملكت ديپلماتلري اشتراك ايتكنديلر. اكثر اشتراكچي لر صلح مذاكره لري ايلك باسقيچيده افغانستان ده آتش كيسيم برقرار ايتيليشي ني طلب ايتكنديلر.
