تومنلر نینگ قوله‌شی حقیده‌گی معمالر و مملکت نینگ شمالي و شِمال شرقی ده ولایت‌لری‌نینگ قوله‌شی حقیده آگاهلنتیریش
neshananews
21 June 2021مملکت نینگ شمال و شِمال-شرقي ولایتلریده طالبان هجوملری اوج آلگنیدن سۉنگ، کۉپلب تومنلر بو گروه نظارتی‌گه اۉتدی. اوشبو تومنلر نینگ قوله‌شی، مملکت شِمالیده و شِمال-شرقیده بیرقطار ولایت مرکزلری قوله‌شی حقیده کۉپلب تشویشلرگه سبب بولگن.
محلي و خوفسیزلیک منبعلریگه کۉره، تخار ولایتی نینگ چال، هزارسموچ، بنگی، ینگی قلعه، خواجه‌غار، خواجه بهاالدین، دشت قلعه، درقد، نمک‌آب، اشکمش و بهارک تومنلری ایکّی هفته‌دن کم وقت ایچیده طالبان تمانیدن اشغال قیلینگن تومنلر قطاری دن حسابلنه‌دی.
تخار ولایتی‌نینگ ۱۶ تومنی بار. تخار ولایت کېنگشی اعضالری نینگ ایتیشیچه، ولایت نینگ ۱۱ تومنی طالبلر قۉلیگه اۉتگن، ینه بېش ته‌سینی قوله‌ش خوفی کاتته‌دیر. خودّی شونده‌ی، سمنگان نینگ دره-اې-صوف بالا، بلخ ولایتی‌نینگ چهار بولک، کندز ولایتی‌نینگ دشت‌ارچی، قلعه‌ی‌زال، علی‌آبادتومنی بازاری، جوزجان‌نینگ خانقاه، آقچه، منگجیک و فیض‌آباد تومنلری و فاریابده‌گی کوهستان تومنی سۉنگگی ایکّی کون ایچیده طالبان قۉلیگه اۉتدی.
طالبان نینگ تأکیدلشیچه، کۉپ سانلی خوفسیزلیک کوچلری اۉزلری نینگ حربي اسباب اسکونه‌لری بیلن بو گروه‌گه قۉشیلیشگن.
طالبان گروهی کوپلب ویدیو تسمه‌لر و آلدین کین نشر ایتکن خبرنامه‌لریده، جنگلر و تومنلر نینگ قوله‌شی پیتیده جوده کۉپ مقدارده قورال و اۉق و حربی جهارلر بوگروه قولیگه توشکنی‌ني دعوا قیلماقده.
مدنی فعاللر و مملکت شِمالی و شِمال-شرقیده‌گی ولایت کېنگشلری اعضالری سۉنگگی کونلرده وضعیت‌دن خواطر بیلدیریب، اوشبو ولایتلر نینگ مهم تومنلری طالبلر تامانیدن باسیب آلینگنلیگی و اولر ولایت مرکزلری نینگ قوله‌شیدن تشویش‌ده اېکنلیکلرینی بیلدیریشکن.
تخار ولایت کېنگشی کاتبی محمد اعظم افضلی نینگ ایتیشیچه، طالبان غلبه‌سی و بو گروه جنگچیلری نینگ ولایت مرکزی تالقان دروازه‌سیگه اېتیب باریشی تخار نینگ قالگن حدودلریگه جدّي تهدید سالماقده.
افضلی‌جنابلری علاوه ایتکن: “شمال و شِمال-شرقي ولایتلرنی اغدریش رېجه‌سی عملگه آشیریلماقده”. ” افضلی‌جنابلری دېدی، اوشبو وضعیت نینگ دوام اېتیشی خلق نینگ حکومت نینگ بۉلگن صداقت و ایشانچینی صفرگه توشیرگن. جناب افضلی طالبلر نینگ آلدینگه سیلجیشیگه و تومنلر نینگ قوله‌شیگه یۉل قۉیمسلیک اوچون اولرگه آغیر قوراللردن و هوا هجوملریدن فایده‌لنیلمسلیگی آدملر نینگ آنگیده کۉپلب سواللرنی توغدیرگنینی قۉشیمچه قیلدی.
تخار ولایتی کېنگاشی کاتبی سۉنگگی ایکّی کون دوامیده خوفسیزلیک کوچلری سفربر بۉلیب، اۉز موقعلرینی مستحکم‌لنتیریب و محلي اهالی خوفسیزلیک کوچلری بیلن بیر قطارده قورال آلیب، طالبلرگه قرشی کوره‌ش آلیب بارگنینی تأکیدله‌دی. اونگه کۉره، محلي اهالی اوشبو کوچلر خوفسیزلیک بیلن باغلیق وضعیتنی نورمال حالتگه کېلتیره آلیشینی کوتماقده.
شِمال-شرقي ولایتلر اهالیسی قوله‌ب توشه‌یاتگن تومنلر آلدیده حکومت نینگ جیم توریشینی سۉرب، اگر کېلیشوو بۉلمه‌سه نیمه اوچون مهم تومنلر طالبانگه آسانلیکچه تسلیم بۉلیشینی ایتیشدی. اولرگه کۉره، آدملرنی تشویشگه ساله‌دیگن و جوابسیز سواللرنی توغدیره‌دیگن نرسه بو حکومت نینگ اوشبو تومنلر نینگ قوله‌شیگه بې‌فرقلیگی و کۉپلب حدودلرنی تۉقنه‌شوولرسیز طالبان قۉلیگه تاپشیریشی‌دیر.
گرچه حکومت رسمیلری خلققه خوفسیزلیک حالتی تېز آره‌ده اۉزگریشی تۉغریسیده یالغان وعده‌لر بېرگن بۉلسه‌ده، آدملر حکومت نینگ طالبان هجوملرینی قَیتریش و یۉقالگن حدودلرنی قَیتریب آلیش حقیده‌گی وقتینچه‌لیک وعده‌لریگه شبهه بیلن قره‌شماقده.
ملي مدافعه وزیرلیگی سوزچیسی فوادامان نینگ ایتیشیچه، قۉشیمچه کوچلر و کماندولر یۉقالگن حدودلرنی قَیتریب آلیش اوچون کندز و تخار ولایتلریگه یتیب‌باریشگن. اونگه کۉره، محلي و خلق کوچلری خوفسیزلیک کوچلری بیلن بیر قطارده قورال آلیب، طالبلر نینگ آلدینگه سیلجیشینی و یۉقالگن جایلرنی قَیتریب آلیشلرینی آلدینی آلیشدی و اوشبو ولایتلرده طالبلرگه قرشی کوره‌شنی باشلشدی.
شمال و شِمال-شرقي ولایتلرده طالبان هجومی نینگ اوج آلیشی و تومنلر نینگ تۉستدن طالبلر قۉلیگه اۉتیشی ملي مجلس اعضالری نینگ کېنگ تنقیدیگه هم سبب بۉلدی.
پارلمان اعضالری حربي مقاملرنی مدیریت و باشقرووی یامان و یېترلی اېمسلیکده عیبلب، اگر حکومت اوروش و تینچلیک مسأله‌سیده اۉز سیاستی‌گه آیدینلیک کیریتمسه، بو ناانیق حالت و آدملر آره‌سیده یالغان امیدلر نینگ پیدا بۉلیشی کۉپلب حدودلرگه یۉل آچیب بېره‌دی.
خوفسیزلیک رسميلری یۉقالگن حدودلرنی شِمالی-شرقي و شِمال-شرقي ولایتلرگه قَیتریب آلیش اوچون ینگی کوچلرنی تیارله‌یه‌پمیز و جایلشتیرماقده‌میز دېب ایتگن بۉلسه‌ده، اۉشه ولایتلرده‌گی محلي منبعلر شمالي-شرقي و شِمال-شرقده‌گی بیر نېچته تومنلر مثلی کۉریلمه‌گن درجه‌ده طالبلر قۉلیگه اۉتگنلیگی و خوفسیزلیک بیلن باغلیق وضعیت ده اېنگ کیچیک اۉزگریشلرگه گواه ایمس‌میز دیب ایتماقده‌لر.
