peshgoftar-shahnama

قرنطينه كونلري و ادبي و مدني ايشلرگه قيتيش

neshananews

26 April 2020

زمانوي تكنالوژي كون سيون رواجلنيشي و بو تكنالوژي آدملر كونده ليك حياتيده يول تاپيشي آرتيدن، هرچند بشرگه كوپلب قوليك لر مهيا ايتيكن، اما بو تكنالوژي دام گه توشيش اكثرحاللرده ” اليناسيون” يا اوزدن بيگانه بوليش و انسانلر حياتي ماشيني بوليشيگه سبب بولگن.

كرونايي كونلرده عايله لر اوچون بو تكراري ايشلر، خسته قيلوچي و چيدب بولمس عملگه ايلنگن.شوني اوچون اكثر عايله لر اوز سرگرمي لري اوچون ينگي و قيزيق ثشبث تاپيش ده سعي قيلماقده لر. بو قيزيقش لردن بيري كلاسيك ادبيات و محلي داستان لر كتابلريني مطالعه قيليشي دير.حكايت لرني روايت ايتيش يا بخشي ليك بو اولكه نينگ قديمي عرف و عادتلري جمله سيدن دير.اما تلويزيون و انترنت كبي زمانوي تكنالوژي تاپيليشي بيلن بو عرف و عادتلر وقت اوتيشي بيلن اونيتيلدي. كرونا ويروسي ييرليشي و شهرلر قرنطينه بولگني بيلن بو عرف و عادت شمالي ولايتلر خصوصا بدخشان يشوچي لري ارا قيته تيكلنگن.

بدخشان ده بيرقطار عايله لر قرنطينه ايامي ده اوزلري و فرزندلري سرگرمي سي اوچون اخلاق، صميميت و محبت دن توله بولگن كلاسيك يا ايسكي ادبيات و تاريخي قهرمانليك لر روايتلرگه يوزكيلتيرگن لر.بو ايش بيلن بيرتماندن عايله اعضالريگه قيزيق سرگرمي يرتكنلر و باشقه تماندن باله و ياش فرزندلريني اوتميش تاريخ لريدن باخبر قيله ديلر. بو عايله لر قرنطين كونلري دلگيرليگي دن قوتيليش و تلويزيون دستورلريني ايزلش و يا اجتماعي ترماقلر داميگه توشيش اورنيده قديمي و ايسكي ادبيات خصوصا فردوسي شهنامه سي و عاشقانه حكايت لرگه يوز كيلتيرگن لر. بو حكايت لر تلويزيون تاپيلگني دن آلدين قيش نينگ اوزون كيچه لريده هر اوي نينگ مجلس لريني قيريقتيروچي وسيله ايدي.

بدخشان نينگ محلي مسوللري، مدني فعاللري و فرهنگي شخصيتلريگه كوره بو مدنيت ني قيته تيكلش ينگي نسل ني اوتميش تاريخي  و مملكت نينگ اوزگريشلري، مدني، ادبي و هنري فخرلري بيلن تانيشتيريش ده اوته ثمره لي ايكني ني تاكيدليديلر.

بدخشان خبر و مدنيت اداره سي ريسي نقيب الله ثاقب ديدي مردم قرنطين كونلريني، مملكت نينگ تاريخي و مدني اوزگريشلر واقعه لريني مطالعه قيليش فرصتي گه ايلنتيريش لري كيرك.او علاوه ايتي اوتميش نسل نينگ فداكارليك و قهرمانليك لري و تاريخي فخرلريني يادلش ينگي نسل اوچون مناسب سرگرمي دن علاوه اوتميش نسل لرنينگ فخرلريدن درس آليش ده مثبي تاثيرقالديره دي.

بدخشان ولايتي مدنيتچي لريدن صديقدلعلزاد هم بو حقده ديدي عايله كيكسه لري نينگ شيرين و تاتلي حكايه لريني تينگلشه ياتكان ياش و باله لر ، ينگي تكنالوژي دامي گه توشيش بيلن انساني علاقه و صميمت دن اوزاقلشيب و شخصي دنيالريگه چومليش دن كوره بو تاريخي فخرلربيلن تانيشيش لري فايده لي دير.لعلزادجنابلريگه كوره مكتب و عالي اوقويورتلر تعطيل بولگني و ياشلر وباله لر خانه نشين بوليب اولر مكتب و عالي اوقودرسلريني مطالعه قيليش و تلويزيون و اجتماعي ترماقلرگه باش اوريش دن علاوه آته بابالري نينگ ثمره لي تاريخ و ادبيات لري خصوصا اوتكن قرغ ييل جريانيده يوزبيرگن واقعه لرني بيرگه ليك ده كوريب چيقيشلري لازم.

شونينگ ديك بدخشان مدني فعاللريدن محمدشريف هم ديدي او عايله اعضاسي بيلن قرنطينه كونلريده تاريخي، ادبي و فرهنگي داستان لرني اوقيش ده اوتكزه دي. اوني معلوم قيليشيچه بو مدنيت ني قيته تيكلش بيلن ينگي نسل ني كلاسيك ادبيات و تاريخي فخرلربيلن تانيشتيريش و بو فخرلرگه قيزيقتيريش رغبت لنتيريب ينگي نسل ني بيلم لي و تويغولي تربيه لشده مهم رول اويني دي. اورتاكيدلشدي عايله لر قرنطين كونلريده بو توغريده ايسكي تاريخ و ادبيات ميزنينگ اخلاقي و حماسي جهتلريگه كوپراق اعتبار بيريب بو اونتيلگن درسلرني فرزندلريگه اورگتيش لري لازم. اونگه كوره ايسكي داستان لرني باله لر، ياشلر و حتي كيكسه لرگه اوقيب بيريش بيرتماندن قيزيق سرگرمي يره ته دي و باشه تماندن اولرني ذهنلريني يارقين لشتيريب فكرلريني اوزگرتيره دي.

بدخشان مدني و فرهنگي فعاللري، كرونا ويروسي جهان بويلب ييرلگني و قرنطينه خسته ليك لري سبب مردم اوزلريگه ثمره لي سرگرمي تاپيش اوچون ايسكي و قديمي عرف و عادتلرني قيته تيكلش ده يوز كيلتيريب اونوتيلگن مدنيت ني ينه ده راجلنتيريش ده مهم آديم كوتارگن لرديب ايتكنلر.

بدخشان مدني فعاللريدن محمدشريف هم ديدي او عايله اعضاسي بيلن قرنطينه كونلريده تاريخي، ادبي و فرهنگي داستان لرني اوقيش ده اوتكزه دي. اوني معلوم قيليشيچه بو مدنيت ني قيته تيكلش بيلن ينگي نسل ني كلاسيك ادبيات و تاريخي فخرلربيلن تانيشتيريش و بو فخرلرگه قيزيقتيريش رغبت لنتيريب ينگي نسل ني بيلم لي و تويغولي تربيه لشده مهم رول اويني دي. اورتاكيدلشدي عايله لر قرنطين كونلريده بو توغريده ايسكي تاريخ و ادبيات ميزنينگ اخلاقي و حماسي جهتلريگه كوپراق اعتبار بيريب بو اونتيلگن درسلرني فرزندلريگه اورگتيش لري لازم. اونگه كوره ايسكي داستان لرني باله لر، ياشلر و حتي كيكسه لرگه اوقيب بيريش بيرتماندن قيزيق سرگرمي يره ته دي و باشه تماندن اولرني ذهنلريني يارقين لشتيريب فكرلريني اوزگرتيره دي.