بلخ ده بمب جایلشتیریلگن موتر پارتلشی تلفات قالدیردی
بلخ ولایتی محلی رسمیلری بو ولایتنینگ بلخ تومنیده موتربمب پارتلشی تلفات قالدیرگنی ني تصدیقلشکن.
بلخ پولیسی سوزچیسی عادلشاهعادل نشانه خبرآژانسی بیلن صحبت ده بو پارتلش بوکون ( یکشنبه ۱۶جوزا ) توش دن سونگ ساعت ۱۲.۴۰ دقیقهده بلخ تومنی امنیه قوماندانلیگی بناسی یقینیده یوزبیرگن ديدي.
عادل جنابلری پارتلوچی ماده جایلشتیریلگن بیر نقلیه واسطه بلخ تومنی امنیه قوماندانلیگیني نشانگه توتکن دیب ایتی.اونی معلوم قیلیشیچه بو پارتلشده پولیس و محل یشوچیلریگه تلفات یتکزیلگن.
بلخ ولایتی امنیه قوماندانلیگی سوزچیسی اما بو باره ده کوپراق تفصیلات بیرمهدي. اونگه کوره بو پارتلشده محل یشوچیلریگه آعیر تلفات و خساره یتکزیلگن.
طالبان گروهی حاضرگه قدر بو باره ده بیران نرسه ایتمگن.
مملکت شمالیده جایلشکن بلخ ولایتی بیرآز تینچ ولایت دیر. بو ولایتنینگ بیرقطار تومنلری جملهدن چمتال اولسواللیگی طالبان کوزگهکورینرلی حضوریگه گواه دیر.