مدافعه وزیرلیگی: ۱۶ ولایتده ۱۹۳ نفر طالبان جنگچیسی اولدیریلدی
مدافعه وزیرلیگی سۉنگگی ۲۴ ساعت ایچیده ۱۶ ولایتده ۱۹۳ نفر طالبان جنگچیلری اولدیریلگنی دن خبربیرگن.
مدافعه وزیرلیگی بوگون (۶- سرطان، یکشنبه) نشرایتکن خبرنامهسیده طالبان نینگ بو جنگچیلری ننگرهار، ميدان وردک، خوست، غزنی، ارزگان، قندهار، زابل، هرات، فراه، سمنگان، هلمند، کندز، بغلان، تخار، پروان و کاپیسا ولایتلریده، مملکت خوفسیزلیک و مدافعه کوچلری بیلن تۉقنهشوولرده اولدیریلگنی ني ایتکن.
خبرنامه ده بو گروه نینگ ۱۱۰ نفر جنگچی سی عین شو ولایتلرده یارهلنگن.
طالبان حاضرگه قدر بو باره ده ایضاح بېرمهگن.
خوفسیزلیک کوچلری و طالبان جنگریلری اۉرتهسیده شدّتلی تۉقنهشوولر ۱۶ ولایتده بۉلیب اۉتماقده. طالبان کۉپراق تومنلرنی اېگهللب آلیش اوچون کورهشنی کوچهیتیردی. بو گروه جنگچیلری نینگ آلدینگه سیلجیشی، اما خلق کوچلری سفربر بۉلگندن کېین سېکینلشدی.