پارلمان نینگ بیر اعضاسی فریابدهگی کووید ۱۹ کسلخانهسیگه ۱۰۰ ته آکسیجن بالونینی ساوغه قیلدی
فاریاب ولایتی ساغلیقنی سهقلش مسووللری، فاریاب ملت وکیلی حشمتاللهآرمان ولایتدهگی “کووید ۱۹” کسلخانهسیگه ۱۰۰ آکسیجن بالونینی تاپشیرگنینی اَیتماقده. اولر نینگ فکریگه کۉره، جناب آرمان نینگ اوشبو شخصي یاردمی اوشبو کسلخانهده آکسیجن معماسینی حل قیلدی.
فاریابدهگی کووید ۱۹ کسلخانهسی رهبری، دوکتور محمد زمان عظیمي بوگون (چارشنبه، ۹ سرطان ) ناشهنه خبرآژانسی بیلن صحبت ده کروناویروس بیلن کسللنگن بېمارلر اوچون مخصوص شفاخانهلرده آکسیجن اساسي احتیاج اېکنلیگینی ایتدی.
جناب عظیمي فاریاب ولایتیده کرونانینگ اوچینچی تۉلقینی نینگ ترقهلیشی خواطرگه سالیشینی قۉشیمچه قیلدی. اونگه کۉره، اۉتگن بیر آی دوامیده ولایتده کروناویروسنی یوقتیرگن ۹۲۰ مثبی واقعه رویخطده آلینگنینی قید اېتگن. جناب عظیمینی تأکیدلشیچه، کرونا نینگ اوچینچی تۉلقینیده اوشبو ولایتدهگی بیرینچی و ایکّینچی تۉلقینلرگه قرهگنده کۉپراق حالتلر قید اېتیلگن.
بیراق، فاریابدهگی کووید ۱۹ کسلخانهسی رهبری یاردم بالونلری ولایتدهگی آکسیجن تنقیصلیگی نینگ اساسي معماسینی حل قیلگنینی ایتدی. جناب عظیمی، میمنهده کرونا ویروسی بیلن کسللنگنلرنی دوالش اوچون فقط بیرته مخصوص مرکز موجودلیگینی توشونتیرهدی. اوشبو شفاخانه قیرق تختگه اېگه. حاضرگی کونده اوشبو مرکزگه کرونا ویروسینی یوقتیرگن ۶۰ دن ۷۰ گچه بېمارلر یاتقیزیلگن.
عینِ پیتده، فاریاب ملت وکیلی حشمتاللهآرمان نینگ نمایندهسی کریمالله راسا فریاب دهگی کووید ۱۹ کسلخانهسیگه تاپشیریلگن هر بیر بالونده ۶۸ لیتر آکسیجن بارلیگینی ایتدی. جناب راسا اوشبو آکسیجن بالونلری اۉزبېکستاندن ساتیب آلینگن و میمنهگه اېتکزیلگنلیگینی تأکیدلهماقده. فاریاب ولایت حاکمی نینگ عامهوي اخبارات ادارهسی اوشبو ۱۰۰ آکسیجن بالون نینگ قیمتینی ۳۰ مینگ امریکا دالریدن کۉپراق دېب بهالهدی.
بو پارلمان اعضاسی بیرینچی مرته کارانهویروسنی یوقتیرگن بیمارلرنی دوالش اوچون یاردم بېریشکن.