د ملي دفاع وزارت وايي، چې د ملي اردو ځواکونو په کندهار ولایت کې د سړک غاړې ۲۱ ماینونه کشف او شنډ کړي دي.
د ملي دفاع وزارت نن (شنبه، تله، ۱۲) په یوه خبرپاڼه کې ویلي، چې دا ماینونه د کندهار ولایت په میوند ولسوالۍ کې د طالب جنګیالیو له خوا ځای پر ځای شوي وو. د یاد وزارت خبرپاڼه زیاتوي، چې په دې سره د سلګونو هېوادوالو ژوند ژغورل شوی دی. د دوی په وینا په دې سره طالبانو غوښتل، چې سړک ته هم زیان واوړي؛ خو امنیتي ځواکونو یې مخه نیولې.
د یادونې وړ ده، چې طالبانو تېره اونۍ د ارزګان – کندهار د سړک یوه برخه پر ماینونو ویجاړه کړې وه. دا په داسې حال کې ده، چې طالبانو له امریکا سره په هوکړه کې ژمنه کړې، چې عامه ځایونه به نه ویجاوړي.