امنيتي چارواکي وايي کندهار کې ۱۱ وسلوال طالبانو ته مرګژوبله اوښتې.

۲۰۵ اتل قول اردو وياند صادق عيسی نن شنبه (د زمري دویمه) نشانه خبري اژانس ته ویلي، افغان ځواکونو د کندهار ښار د پنځلسمې امنيتي حوزې اړوند پر وسلوالو طالبانو هوايي عمليات کړي دي.

د عيسی په خبره په دغه هوايي عملياتو کې ۸ وسلوال طالبان وژل شوي او ۳ نور ژوبل شوي دي.

همدارازعيسی وویل د وسلوالو طالبانو يو شمېر وسلې او مهمات هم په همدغه عملياتو کې له منځه تللي دي.

وسلوالو طالبانو تر اوسه په دې اړه څه نه دي ویلي.