امنيتي چارواکي وايي، په کندهار کې ۲۶ وسلوال طالبان وژل شوي دي.

۲۰۵ اتل قول اردو وياند صادق عیسی نن شنبه ( د زمري ۱۶مه) نشانه خبري اژانس ته وویل؛ افغان ځواکونو د کندهار ولايت په ډنډ، تخته پل او ژړۍ ولسواليو کې د وسلوالو طالبانو پر وړاندې هوايي او ځمکنې عمليات کړي.

د عيسی په خبره په دغه عملياتو کې ۲۶ وسلوال طالبان وژل شوي او ۶ نور ټپيان شوي.

د عيسی په خبره د وسلوالو طالبانو يو شمېر وسلې او مهمات هم له منځه تللې دي.

وسلوالو طالبانو تر اوسه په دې اړه څه نه دي ويلي.