افغانستان حکومتی، محلی حکومت لر و مرکزی حکومت ارا « ویدیو کنفرانس » آرقلی علاقه تامین لش مقصدی بیلن مملکت نینگ برچه ولایتلریده علاقه واسطه اسکونه لرنی ایجاد ایتیشده سعی قیلیب،  منتظم روشده محلی حکومت لراجرااتی دن باخبر بولیش و اولرنینگ قیینتچلیک و معمالرینی برطرف ایتیش اوچون بو لایحه نی تیزلشتیرگن.

محلی ارگانلر مستقل اداره سی مسوللریگه کوره مملکت نینگ برچه ولایتلریده ویدیویی تماس اسکونه لرینی فعال لشتیریش بیلن، ولایت لرگه تیگیشلی بولگن برچه ایش لر منتظم روشده باشقریلیشی نظرده الینگن. بو مسوللرنی ایتیشلریچه بو علاقه آرقلی ولایت حاکم لری مرکزی حکومت نینگ برچه قرار و ریجه لریدن باخبربولیب ولایت لر سحطی ده موجود بولگن فعالیتلر، ریچه لر و قیینتچلیک لردن مرکزی حکومت گه راپوربیره دیلر.

 محلی ارگانلرمستقل ریاستی دفتر ریسی نجیب الله مطهری دیدی بو اداره عمومی ریسی عبدالمتین بیک بویروغی گه اساساٌ ، مرکز و ولایت لرارا ویدیو کنفرانس لر آرقلی دایمی علاقه مساعد ایتیلیشی مقصدیده معلوماتی تکنالوژی ریاستی مملکت نینگ ۳۴ ولایتی ده علاقه واسطه اسکونه لرینی اورنتیش ده وظیفه لنتیریلگن.

 اونگه کوره بو لایحه حاضرگه قدر بلخ، خوست، کاپیسا، لغمان، ننگرهارو پنجشیرولایت لریده عملی بولگن و بوولایت حاکملری نینگ مرکز بیلن توغریدن توغری علاقه سی تیکلنگن. مطهری جنابلری دیدی:« بو لایجه باشقه ولایت لرده هم تیزلیکده عملی بولماقچی.» اونی معلوم قیلیشیچه بو اسکونه لراورنتیلیشی بیلن حکومتدارلیک یونلیشی تیزلشتیریلیب و حکومت قرارلرینی عملی لشتیریش، اهالی قیینتچلیک لرینی برطرف ایتیش و محلی حکومت لرکونده لیک اجراات لری قندای کیچیشی  قیسغه مدت ده بجریلیشی کوزده توتیلگن.

مردم گه معلومات یتکزیش، حکومتدارلیک ده برچه اهالی نینگ فعال قتنیشیش گه زمینه یرتیش، اداری فسادگه قرشی کورش، ملت برابریده دولت نینگ جوابگرلیگی، تینگ ترقیات، اجتماعی عدالت، اداری اصلاحات و الکترونیک حکومتدارلیک سیستمی نی رواجلنتیریش و قوللب قوتلش، یخشی حکومتدارلیک نی یارقین معیارلری جمله سیدن دیرکه شبهه سیز زمانوی تخنیک و اسباب اسکونه لردن فایده لنمی بو مقصدلرگه ایریشیش ناممکن کورینه دی.

ایشبلرمان لرگه کوره، خذمت یتکزیش یونلیشی نی تیزلشتیریش، اهالی قیینتچلیک لریگه ایچیم یول تاپیش، اجرایی ارگانلر ایشلرینی تیکشیریش و محلی حکومتلرنی مرکزی حکومت گه جوابگرلیکی دن ایشانچ حاصل قیلیش اوچون یخشی حکومتدارلیک تمل تاشی سنلمیش الکترونیک حکومت دن قوللنیش دیر. ویدیو کنفرانس آرقلی محلی و مرکزی حکومت لر ارا علاقه تامین لنیشی اوچون کیرکلی تخنیکی واسطه  و اسکونه لرینی اورنتیلیشی، الکترونیک حکومتدارلیک نی دستلبکی آدیمی دیرکه بوتخنیکی قولیلیک نی باشقه ساحه لرده رواجلنتیریش بیلن، جوابگر و مردمسالار حکومت پایه لرینی مستحکم راق قلیب حکومت ایشلریگه نسبتاٌ مردم ایشانچی و همکارلیگی نی یوکسلتیره آله دی.

افغانستان حکومتی مرکزیت سیستمی یوقاتیش مقصدی بیلن آخرکی آی لرده ولایت حاکملری صلاحیتلرینی آشیرگن و حاضر سینو باسقیچی نی اوتکزه‌یاتکان بو لایحه نینگ عملی لشتیریش دن اساسی مقصد، مرکزی حکومت بیلن محلی حکومت لرارا هماهنگ لیک، قرارلرنی شریک قیلیش،مرکزی حکومت هدایت و بویروغلرینی اورته گه قویش و اونی عملی بولیشی دن ایشانچ حاصل قیلیش و محلی حکومت لرقیله یاتکان ایشلر شفاف لیگی و جوابگرلیگ مدنیتی اولکه ده رواجلنتیریش دن عبارت دیر. مرکزی حکومت و ولایت لر ارا توغریدن توغری علاقه لرنی تیکلنیشی و الکترونیک حکومتدارلیک نی رواجلنتیریش، شبهه سیزبو مقصدگه ایرشیش ده ثمره لی ایکن لیگی دن علاوه مرکزی حکومت تمانیدن آلینه یاتکان مهم قرارلرده، محلی حکومت لر آرقلی مردم نینگ قتنشیش زمینه سی نی هم کوپیتیره آله دی.

نیچه وقت آلدین محلی ارگانلر مستقل اداره سی ریسی عبدالمتین بیک حکومت ریجه لریدن معلومات بیریشی اوچون کابل ده اوتکزیلگن بیریغینده دیدی حکومتدارلیک ایشلرینی یخشی لشتیریش و اهالی شکایت لرینی تیگلش اوچون ولایت حاکم لریگه مثلی کورینمگن صلاحیت لر بیریلگن. بیک جنابلری بو یغین ده علاوه ایتی مرکزی حکومت بیرینگی میکانیزم نی قول اوستیگه آلگن که اونگه اساساٌ ولایت حاکملری ویدیو کنفرانس لر آرقلی حکومت نینگ برچه یغین لریده اشتراک ایتیب ، مرکزی حکومت نینگ دستور و پالیسی لریدن علاوه،  برچه فعالیت و اجرااتی دن هم باخبر بوله دیلر.

ینگی حکومتدارلیک سیستم آرقلی، تنقیدلرنی حکومت تینگ له مسلیگی گه نقطه قویش و مردم معمالرینی تیزلیکده برطرف ایتیش، افغانستان حکومتی نینگ باشقه مهم وعده لریدن دیرکه اونی عمل ده جاری ایتیلیشی بیلن، مردمسالار، جوابگر و مسولیت سیزوچی حکومت پای دیواری دیرکه حاضر باشقه هر وقت دن کوره کوچلی راق بولگن.شبهه سیز یخشی حکومتدارلیک سیستمی عمل ده تطبیق ایتیلشی بیلن اولکه ده اجتماعی عدالت ، تینگ ترقیات، مردم گه اجتماعی خذمت لرنی یتکزیش ، مردم قیینتچلیک لری برطرف ایتیلشی ، اداری فساد گه نقطه قویش، عملی باشقرو، مسولیت سیزیش و شایسته سالارلیک کبی مهم معیارلرعملی بولیشی گه ایجابی زمینه مساعد ایتله دی.