تخارولایتی دین عالم لری اوتکن هفته برچه جامع مسجدلرده جمعه نمازی خطبه لریده کرونا ویروسی و اونی خطرلری حقیده اهالیگه معلومات بیریشنی وعده قیلگندیلر؛ اما جمعه نمازی خطبه لریده بیرآز دین عالملری کرونا ویروسی خطرلری حقیده مردم گه معلومات بیرگنلر.

مملکت ده کرونا ویروسی مثبت واقعه لری رویخط ده آلینگنی و ایران دن کوپلب افغان قاچقین لرنی اولکه گه قتیب کیلیش لریدن سونگ، تخارمحلی اداره سی کرونا ویروسی تخارولایتی ده ییرلیشی آلدینی آلیش اوچون بیر فوق العاده کمیته ایجاد ایتیش ده قرار آلدی.

تخار عامه ساغلیک اداره سی مسولی نشانه خبرآژانسی بیلن صحبت ده، هرکونی ایران دن یوزلب مهاجر قیتیب کیلیشی کوپگینه خواتیرلرگه سبب بولگنی نی تاکیدلب اگر مردم گه معلومات یتکزیش خصوص ده جدی راق اعبار قرتیلمسه بو ویروس اولکه ده ییرلیشی ممکن دیب ایتکن
تخار ولایتی عامه ساغلیک اداره سی بو ویروس ییرلیشی آلدی آلنیشی اوچون تخاردین عالم لری بیلن یغین اوتکزیب منبرآرقلی مردم گه کرونا ویروسی آلدینی آیش یول یوروق لری حقیده معلومات بیریش لرینی طلب ایتکندی.

تخارعامه ساغلیک اداره سی ریسی دکتر نصرالله قاضی زاده دیدی مردم دین عالم لری پیام لرینی کوپراق ایشیتیب و دقت قرته دیلر شونی اوچون بو اداره اولردن بوخصوص ده همکارلیک قلیش نی طلب ایتی.
اوتکن جمعه کونی تخارولایتی نینگ اکثرجامع مسجدلریده کرونا ویروسی و اونی ییرلیشی آلدینی آلیش اوچون مردم گه معلومات بیریلیشی کوتیلردی اما دین عالم لری کوپراق نوروزکونی نی نشانلنیشی حرام ایکنی حقیده صحبتلشدیلر.

تالقان یشوچ سی بولگن اسدالله فیسبوک صحیفه سیده یازگن” مین یشه یاتکان محل مسجدی خطیبی کرونا ویروسی آلدینی آلیش حقیده صحبت لشیشی نی کوتردیم اما مسجد امامی بیرساعت نوروز حرام ایکنی حقیده صحبت لشدی”
تخارولایتی حج و اوقاف اداره سی نشرات بولیمی مسولی مخلص تالقانی گه کوره بو اداره برچه دین عالم لریدن کرونا حقیده جمعه نمازی خطبه لریده صحبت لش لری اوچون وعده آلگندی اما اینگ آز دین عالمی بو حقده صحبت لشکن.

تالقانی جنابلری، حج و اوقاف اداره سی دایره سیده فعالیت قیله یاتکان بیرقطار مسجدلرده کرونا حقیده صحبت بولگنی نی ایتیب اما بیر اداره دایره سیدن تشقری فعالیت قیله یاتکان مسجدلر بیزنینگ بو طلب میزگه اعتبار قرتمگن دیدی.

تخار حج و اوقاف اداره سی نشرات بولیمی مسولی نی ایتشیچه تخارده‌گی ۳۰۰ مسجد دن فقط ۵۰ مسجد بو اداره دایره سیده فعالیت قیلر.
باشقه تماندن اوز اسمی نی ایتیش نی ایسته مگن بیر معتبر دولتی مقام دیدی: تالقان شهریده اوتکن جمعه نمازی خطبه سیده کرونا ویروسی حقیده مردم گه معلومات بیرگن بیر دین عالمی ، کرونا کسل لیگی طفیلی جان لرینی قول دن بیرگن کیشی شهید مقامی گه ایگه بوله دیلردیب ایتکن.

بونگه قره مسدن تخارولایتی فوق العاده کمیته سی اوتکن ایککی کون جریانیده تخار ولایتی ایسکی شفاخانه سی بناسینی بو ویروس گه چلینگن آدم لرنی قرنطین گه آلینیشی گه اجرتکنی دن خبر بیرگن. تخارولایتی عامه ساغلیک اداره سی گه کوره حاضرگه قدر تخارولایتی ده کرونا کسل لیگی مثبت واقعه سی رویخط ده آلینمگن .