ایچکی ایشلروزیرلیگی سرپرستی مسعود اندرابی ینگیدن صادر ایتکن هدایتی ده بوندن سونگ اگر هرپولیس حوزه سی حدویده قوراللی کشی لر موترسایکل دن فایده لنیب آدملرگه هجوم اویشتیرسه لر، حوزه باشلیغی و امنیتی مسوللری ایش دن چیتلشتیریله دیلردیب ایتکن.

اندرابی جنابلری اوتکن کیچه ( جمعه ۲ ثور)  کابل شهریده ایککی پولیس موترسایکل ده بولگن قوراللی لرتمانیدن ترور بولگنی دن سونگ بو هدایت نی صادر ایتی. ایچکی ایشلروزیرلیگی سوزچی سی اورین باسری مروه امینی دیدی بو هجوم ده بیرپولیس اولدیرلگن و بیرعسکرهم یاره لنگن.

  بو هجوم دن سونگ ایچکی ایشلروزیرلیگی سرپرستی کابل شهری اون ایککنچی حوزه نینگ منطقه ای کنترول مسولی و تولی قوماندانی نی ایشلریدن بوشتکن. کابل شهریده قوراللی ترورلرکوپیگنی آرتیدن ایچکی ایشلروزیرلیگی نیچه وقت آلدین، پایتخت کابل ده موترسایکل دن استفاده قیلیش نی منع ایتکندی اما اهالی هلی هم بو نقلیه واسطه دن فایده لنماقده لر.