ایچکی ایشلر وزیرلیگی رسميلری نینگ ایتیشیچه، مدافعه‌ وزیرلیگی سرپرستی  بسم‌الله محمدي نینگ اویی‌ني نشانگه آلگن موتربمب پارتلشی نتيجه سیده، کمیده سکّیز کیشی هلاک بۉلگن.

 ایچکی ایشلر وزیرلیگی سوزچیسی  میرویس استانکزی نشانه خبرآژانسی‌گه بېرگن معلوماتگه، پارتلش کېچه‌ ( سه‌شنبه‌۱۲ اسد) ساعت ۰۸:۰۰ اطرافیده کابل نینگ ۱۰ امنیتی حوزه‌سي‌‌گه تیگیشلی شیرپور حدودیده صادر بۉلگنینی ایتدی.

 جناب استانکزی نینگ قۉشیمچه‌ قیلیشیچه، قوراللنگن بېش قوراللی شخص ملي مدافعه‌ وزیرلیگی سرپرستی نینگ اویی یانیده پارتله‌گن و خوفسیزلیک کوچلری بیلن تۉقنه‌شوودن کېین اونینگ اوییگه کیرگن.

 اونینگ سۉزلریگه کۉره‌، بېش ساعتلیک جنگلردن سۉنگ خوفسیزلیک کوچلری هجومچیلرنی مغلوب اېتیشگه موفق بۉلگن.  اونگه کۉره‌، ملي مدافعه‌ وزیرلیگی سرپرستی اویی اطرافیده‌گی اویلرده قوراللی هجومچیلر تامانیدن گروگه آلینگن یوزلب اهالی پولیس‌ مخصوص کوچلری تامانیدن قوتقریلگن.

 ایچکی ایشلر وزیرلیگی سوزچیسی نینگ ایتیشیچه، حادثه‌ نتیجه‌سیده مدافعه‌ وزیرلیگی باشلیغی و اونینگ عایله‌ اعضالریگه صدمهریتکزیلمگن، بیراق پارتلش عاقبتیده سکّیز کیشی، جمله‌دن، بیر عیال هلاک بۉلگن، ۲۰ کیشی جراحتلنگن.

 هجوم اوچون جوابگرلیکنی هېچ بیر گروه اوز ذمّه‌سیگه آلمه‌دی، لېکن خوفسیزلیک کوچلری پورتلشده طالبان‌نی عیبله‌دی.