باغیس ولایتی امنیتی مسوللری طالبان گروهی و امنیتی قوتلر ارا اینگ سونگی توقنشو نتیجه سیده طالبان نینگ ۱۱ جنگچی سی قادس تومنی ده اولدیریلگنی دن خبر بیردی.

بادغیس امنیه قوماندان لیگی سوزچی سی تحصیل حیدری نشانه خبر آژانسی بیلن صحبت ده دیدی بو توقنشو اوتکن کونی  قادس اولسوال لیگی قرچغی قشلاقی ده یوزبیرگن.

 حیدری جنابلریگه کوره طالبان امنیتی قوتلر کاروانی گه هجوم اویشتیرگندن سونگ بو منطقه ده توقنشو باشلنگن.

 امنیتی قوتلر کاروانی قادس ـ قلعه نو یولی نی تازه لش اوچون بو منطقه گه جونتیلگن ایکن. اما امنیتی مسوللر، طالبان هجومی و یول چکه سیده کوپلب ماین جایلشتیریلشی سبب بو یول نینگ تازه لش ایشی کیچگه قالدیریلگنی دن خبر بیرگن.

بادغیس امنیه قوماندان لیگی سوزچی سی بو توقنشو نتیجه سیده طالبان گروهی جنگچی لریدن ینه ۱۳ کیشی هم یاره لنگن دیدی. حیدری جنابلری بو توقنشوده شونینگ دیک پولیس نینگ مخصوص کوچلریدن بیرعسکر یاره لنگنی هم تصدیق لشکن.

بادغیس ولایتی شمال شرقی ده جایلشکن قادس بو ولایت نینگ ناتینچ اولسوال لیگی دیر. طالبان گروهی سونگی وقت لرده نیچه بار بو اولسوال لیگ نی تصرف ایتیش اوچون هجوم اویشتیرگندی اما هر بار امنیتی قوتلر تمانیدن بو هجوملر دفع ایتیلگن.