جوزجان ده طالبان نينگ بير قومانداني ايككي قوريقچي سي بيلن اولديريلدي
neshananews
11 May 2020جوزجان ولايتي محلي رسميلري آقچه تومنيده طالبان گروهي نينگ ” علي مراد” ناملنگن قومانداني ايككي قوريقچي سي بيلن امنيتي قوتلر بيلن توقنشوده اولديريلگني دن خبر بيرگن.
جوزجان ولايت حاكمي سوزچي سي عبدالمعروف آذر نشانه خبر آژانسي گه ايتكن” اوتكن كيچه طالبان جنگچي لريدن بير گروه آقچه تومني ده امنيتي قوتلرگه ضربه يتكزيش مقصديده كمين آليب امنيتي قوتلر بيلن توقنشكني عاقبتيده بو گروه نينگ بير قومانداني ايككي قوريقچي سي بيلن اولديريلگن و بيش جنگچي هم ياره لنگن.” آذر جنابلري شونينگ ديك اوتكن كيچه گي توقنشوده امنيتي قوتلردن بير عسكر جان بيريب و بير عسكر هم جراحت كورگن ديدي.طالبان گروهي اوتكن كيچه گي توقنشو و قوماندان لريدن بيري اولديريلگني حقيده بيران نرسه ايتمگن.
آقچه، جوزجان ولايتي نينگ استراتيژيك تومن لريدن بيري دير و تورت اولسوال ليك مركزيده جايلشكن. بو تومن سونگي ييللرده جوزجان ولايتي نينگ ناتينچ منطقه سيگه ايلنگن.
