خلیلزاد افغانستان تینچلیگی اوچون ینگی سفرینی دوری باشله دی
امریکا تشقی ایشلروزیرلیگی نی اعلان قیلشیچه بومملکت نی افغانستان تینچلیگی بویچه خصوص نمانیده سی زلمی خلیلزاد بو توغریدهگی سعی وحرکت لری دوامیده منطقه مملکت لری ارقهداشلیکی حاصل قلیش و صلح مذاکره لری پروسه سیده کیرکلی قولی لیک لرمساعد ایتیش اوچون ینگی دوره سفرینی باشلب بو بار قطر، پاکستان و اوزبیکستان گه بارماقچی.
امریکا تشقی ایشلروزیرلیگی نی اوتکن کونی (یکشنبه ۸ سرطان ) بوخصوص ده نشرایتکن اعلامیه سیده یازیلشیچه خلیلزاد جنابلری بو دوره سفریده دوحه، اسلام آباد و تاشکند ده باریب بو مملکت مقاملر بیلن صحبت ده افغان لرارا مذاکره لر باشلنیشی دن آلدین بیریلگن وعده لر خصوصا افغانستان ده زوروانلیک لرنی کمیتیریش و ایککی تمان محبوس لرینی قویب یوباریلیشی بویچه بو مملکت لر حمایت لرینی کسب ایتماقچی.
امریکا نی افغانستان تینچلیگی اوچون مخصوص نماینده سی بو بار کابل گه سفر قیلمیدی، اما ویدیو کنفرانس آرقلی افغانستان مقام لری بیلن صحبت قیلماقچی. امریکا تشقی ایشلروزیرلیگی اعلامیه سیگه کوره بو دوره سفرده خلیلزادجنابلری بیلن امریکا نی خلق ارا مالی ترقیات اداره سی ریسی آدم بولرهم یولداش دیر. اعلامیه ده تاکیدلنیشیچه خلیلزادجنابلری بیلن بوسفرده یولداش بولگن هیات، سرمایه یاتقیزیش فرصت لر، افغانستان اقتصادی وضعیتی نی یخشی لشتیریش اوچون تورلی ساحه لرده یاردم یتکزیش و منطقه ده دایمی و دواملی تینچلیک تامین لنیشی اوچون شرایط و زمینه لرنی تیکشیریب کورماقچی.
زوروانلیک لرنی کمتیریش و طالبان نینگ بیش مینگ و دولت نینگ بیرمینگ محبوسلری نی قویب یوباریلیشی، امریکا و طالبان ارا امضالنگن صلح کیلیشو شرط لری جمله سیدن دیرکه اوتکن ییلی حوت آیی قطر پایتختی دوحه شهریده ایککی تمان نماینده لری تمانیدن امضالندی.
بو کیلیشو گه مطابق افغانستان حکومتی حاضرگه قدر طالبان گروهی نینگ ۳ مینگ و ۸۵۰ محبوسی نی قویب یوبارگن و طالبان هم حاضرگه قدر افغانستان دولتی محبوس لریدن ۶۵۵ کیشی نی قویب یوبارگنی نی ایتیشماقده.