تشقی ایشلر وزیرلیگی هیاتی سلسله‌علی‌خیل نینگ اۉغیرلنیشینی تحقیق قیلیش اوچون اسلام‌آبادگه سفرقیلدی
neshananews
02 August 2021تشقی ایشلر وزیرلیگی ني ایتیشچه، هیات افغانستان نینگ اسلام‌آبادده‌گی اېلچیسی علی خېل نینگ قیزی اۉغیرلنگنینی تحقیق قیلیش اوچون پاکستانگه بارگن.
تشقی ایشلر وزیرلیگی رسمي سوزچیسی گران هیواد نشانه خبرآژانسی‌گه ایتیشیچه، هیات بوگون اېرته‌لب (دوشنبه ۱۱ اسد) اسلام‌آباد تمان جۉنب کېتگن. جناب هیواد نینگ قۉشیمچه قیلیشیچه، بوهیات سلسله‌علی‌خیل‌نی پاکستانده اۉغیرلنگنی حقیده‌گی موجود دلیل و‌حجت‌لرنی تیکشیره‌دی.
تشقی ایشلر وزیرلیگی بیاناتیگه کۉره، افغانستان نینگ اسلام‌آبادده‌گی اېلچیسی نجیب‌الله علی‌خیل قیزی پاکستان پایتختی اسلام‌آبادده نامعلوم شخصلر تامانیدن ۲۵ سرطان‌ده اۉغیرلنیب و قییناققه آلینگن.
بو واقعه‌دن سۉنگ، پاکستان باش وزیری عمران خان اسلام‌آباد پولیس‌سیگه ۴۸ ساعت ایچیده علی‌خېل اۉغیرلنیشی نینگ عیبدارلرینی انیقلش و حبسگه آلیشنی بویوردی، لېکن بیر کوندن کېین پاکستان ایچکی ایشلر وزیری رسانه‌لر بیلن صحبت ده علی‌خېل خانم نینگ اۉغیرلب کېتیش حقیده‌گی دعواسی حقیقت اېمس دیدی. پاکستان ایچکی ایشلر وزیری نینگ گپلری وقت‌دن آلدین بولیب و افغانستان حکومتی نینگ مناسبتی‌گه سبب بولدی.
اوندن سونگ تشقی ایشلر وزیرلیگی اۉز اېلچیسی و دیپلوماتلرینی اسلام‌آباددن مملکتگه چقیریب آلدی، پاکستان هم کابلده‌گی اېلچیسینی اسلام‌آبادگه تکلیف قیلدی. اېندی افغانستان حکومتی هیاتی نینگ پاکستانگه سفری بو ماجرا‌گه آیدینلیک کیریتیشی کوتیلماقده.
