خلیلزاد: انسان حقلری کمیسیونی ایککی ملازمی قتلی نی بشریت گه ضد عمل دیر
امریکا نی افغانستان تینچلیگی اوچون مخصوص نماینده سی زلمی خلیل زاد، افغانستان انسان حقلری مستقل کمیسیونی ایشچی لریگه قرشی هجوم گه مناسبت کورستیب بو کمیسیون نینگ ایککی ملازمی اولدیریلگنی حقیده ایتکن بو کمیسیون ایککی ملازمی نی اولدیریلیشی اچون ریجه لنگن هجوم بشریت گه ضد عمل دیر.
خلیل زاد جنابلری بوکون ایرته لب ( یکشنبه ۸ سرطان )تویترصحیفه سیده انسان حقلری مستقل کمیسیونی ایککی ملازمی فاطمه خلیل و جاوید فولاد گه قرشی هجوم نی قتیغ قارره لشکن. اوعینی دمده افغانستان ده دایمی و عزتلی تینچلیک و صلح تامین لنیشی گه دایر افغانستان خلقی طلب لریدن جدی ارقه داشلیک نی اعلان ایتکن.
اوتکن کونی ( شنبه ۷ سرطان) ایرته لب افغانستان انسان حقلری مستقل کمیسیونی ملازم لری نقلیه واسطه سی کابل شهری ۱۲نچی ناحیه سیده میقناطیسی ماین بیلن پارتله تیلدی و اونی نتیجه سیده بو کمیسیون نینگ ایککی ملازمی اولدیریلدی.حاضرگه قدر بیران شخص یا گروه بو هجوم مسولیتی نی اوز ضممه سیگه آلمگن. طالبان گروهی سوزچی سی ذبیح الله مجاهد تویتیرده طالبان بو واقعه ده دخلدارایمس دیب یازگن. اانسان حقلری مستقل کمیسیونی بو واقعه نی هرتمان له مه تیکشیرگن دن سونگ بو توغریده اوز نظری نی اعلان ایتماقچی.
انسان حقلری کمیسیونی ملازملریگه قرشی بو هجوم، اروپا اویشمه سی ، بیرلشکن ملت لرتشکیلاتی نی افغانستان دهگی دفتر ( یوناما) و افغانستان و باشقه بیرقطار حکومت مقاملری بو واقعه نی قاره لشکنلر.