هندوستان ملی خوفسیزلیک کینگاشی مصلحت چی سی، افغانستان ملی مصالحه عالی کینگاشی رییسی عبدالله عبدالله بیلن اوچرشوده، مملکتی افغانستان ملتی طلبی گه موافق جاری صلح آقیمی دن حمایه ایته دی  دیب ایتکن.

ملی مصالحه عالی کینگاشی تمانیدن اوتکن شام ( چهارشنبه ۱۶ میزان) نشربولگن خبرنامه ده عبدالله جنابلری هندوستان گه قیلگن سفری جریانیده بو مملکت ملی خوفسیزلیک کینگاشی مصلحت چی سی اجیت دووال بیلن اوچرشیب ملاقات قیلگن.بو اوچرشو ده عبدالله جنابلری دوحه ده افغانستان دولتی و طالبان گروهی مذاکره قیلوچی هیاتلری ارا حاضرگه قدر بولگن بحث لردن معلومات بیریب و تینچلیک آقیمی ده هندوستان همکارلیکی نی طلب ایتی.

خبرنامه گه کوره هندوستان ملی خوفسیزلیک کینگاشی مصلحتچی سی، افغانستان نینگ جاری صلح پروسه سی دن هندوستان تمانی اوروش یکون لنیشی اوچون توله حمایه ایتیشی دن ایشانچ بیلدیرگن. دووال جنابلرینی تاکیدلشیشیچه هندوستان مملکتی جاری صلح پروسه سیده افغانستان ملتی طلب و ایستکی دن حمایه ایته دیب ایتکن.

 خبرنامه ده عینی دمده هندوستان ملی خوفسیزلیک کینگاشی مصلحت چی سی، هندوستان بیر ایرکین ، آزاد، دموکراتیک و برقرار مملکت طرفداری دیر دیب بو مملکت ده کیله جکده تروریسیتی گروه لر فعالیتی اوچون هیچ بیرجای قالمسلیگی می امید قیلگن.

 بوندن نیچه وقت آلدین هندوستان مملکتی افغانستان جاری تینچلیک پروسه سیدن اوونچه لیک راضی ایمس دی. هندوستان تشقی ایشلروزیری قطرده صلح مذاکره لری باشلنیش مراسمیده افغانستان صلح پروسه سیده هندوستان منفعتلریگه قرشی تهدیدگه اوزگرمسی لازم لیگی نی تاکیدلشکندی.