پاکستان، افعانستان تشقی‌ایشلر وزیرینی اسلام‌آباد گه دعوت ایتی
neshananews
30 May 2021افعانستان تشقی‌ایشلر‌وزیرلیگی‌ني اعلان قیلیشیچه پاکستان، افعانستان تشقی‌ایشلر‌وزیری محمدحنیف اتمردن اسلام‌آباد گه سفر قیلیش اوچون دعوت قیلگن.
افعانستان تشقی ایشلر‌وزیرلیگی بوکون( یکشنبه ۹ جوزا) نشرایتکن خبرنامه‌سیده، پاکستان‌نینگ کابل‌ده‌گي ایلچیسی منصور‌احمدخان افعانستان تشقی‌ایشلر‌وزیری محمدحنیفاتمر بیلن تلفن آرقلی اوتکزگن صحبت ده بو موضوع ني اورته‌گه قویگنی‌دن خبربیرگن.
تشقیایشلروزیرلیگی خبرنامه‌سیده، خان جنابلری پاکستان تشقی‌ایشلر‌وزرلیگی چقیریقیگه اساسن اتمرجنابلرینی اسلام‌آبادگه دعوت ایتکن. پاکستان و افغانستان ایککی تمان‌له علاقه‌لری و افعانستان تینچلیک آقيمي بویچه بحث‌لر بو سفرده کوریب‌چیقیلیشی تاکیدلنگن.
افعانستان تشقیایشلروزیرلیگی حاضرگه‌قدر اتمرجنابلری قچان پاکستان‌گه سفر‌قیلیشی‌دن معلومات بیرمگن.
بوندن قریب بیرآی آلدین پاکستان تشقی‌ایشلر‌وزیری شاهمحمودقریشی، افعانستان تشقی‌ایشلر‌وزیری اتمرجنابلری استانبول یغینی قندای اوتکزیلیشی بویچه بحث و مذاكره اوتکزیش‌اوچون اسلام‌آبادگه سفر قیلیشی نی اعلان ایتکندی.اما بو‌سفر حاضرگه‌قدر عملگه آشیریلمگن.
افعانستان جمهوررييسی محمداشرف‌غنی و مليخوفسیزلیک کینگاشی مصلحتچیسی‌نینگ پاکستان‌گه نسبتن کیسکین اظهاراتی‌دن سونگ، اسلا‌آباد افعانستان دولتی سیاستلریدن شدت بیلن تنقیدلشکن. خبری منبع‌لر معلوماتلریگه کوره اسلام‌آباد افعانستان مليخوفسیزلیک کینگاشی مصلحچیسی حمدالله‌محب بیلن رسمی علاقه‌لرینی توختتکن.
