چين مملكتي ني كابل ده گي ايلچي سي وانگ يو، تشقي ايشلر وزيرليگي سرپرستي حنيف اتمر بيلن اوچرشگنده، بومملكت افغانستان صلح پروسه سيدن ارقه داشليك كورستيشي ني اعلان ايتكن.
تشقي ايشلر وزيرليگي خبرنامه سيده يازيليشيچه، چين ني كابل ده گي ايلچي سي وانگ يو جنابلري غني و عبدالله ارا امضالنگن سياسي كيليشوي حقيده ايتكن چين بو سياسي كيليشو و افغانستان تينچليك پروسه سيدن ارقه داشليك ايته دي.
خبرنامه گه كوره چين ايلچي سي شونينگ ديك تروريسم گه قرشي كورش، افغانلر ارا مذاكره لر و ” اسلامي امارت” رسميت گه تانيلمسليگي حقيده تاكيدلشكن.
باشقه تماندن تشقي ايشلر وزيرليگي سرپرستي محمدحنيف اتمر، چين ني افغانستان عامه ساغليك وزيرليگي بيلن دايمي همكارليك وحمايت لريدن منتدارچيليك بيلديريب بو همكارليك و حمابت لر كيله جكده دوام ايتيب باريشي ني ايسته دي.تشقي ايشلر وزيرليگي خبرنامه سيده، بو اوچرشوده چين ايلچي سي افغانستان گه ساغليك ني سقلش و ييمليك اشيالر كيله جكده يوباريليشي دن ايشانچ بيلديريلگني هم خبر قيلينگن.