اتمر: یقینده صادر بۉلگن حربي جنایتلر نینگ عیبدارلری لاهه محکمه سي تامانیدن جوابگرلیککه تارتیلیشی کېرهک
تشقی ایشلر وزیری محمد حنیف اتمر افغانستانده یقینده صادر بۉلگن حربي جنایتلرنی صادر اېتگنلرنی لاهه خلقارا جنایت محکمه سی تامانیدن جوابگرلیککه تارتیشگه طلب ایتدی.
تشقی ایشلر وزیرلیگی بوگون (سهشنبه ۱۲ اسد) نشرایتکن خبرنامهسیده یازگنیدېک، جناب اتمر بو مسألهنی بیرلشکنملتللرتشکیلاتی نینگ افغانستان بۉییچه مخصوص وکیلی دېبورالیونز بیلن اوچرهشووده ایتکن.
جناب اتمر نینگ قۉشیمچه قیلیشیچه، بیرلشگن ملتلر تشکیلاتی نینگ انسان حقوقلری بۉییچه عالي کمیساری و خلقارا جنایت محکمه سی یقینده افغانستانده صادر بۉلگن حربي جنایت ایشلرینی حجتلشتیریشی کېرهک.
جناب اتمر، بو حربي جنایتلرنی صادر اېتگنلر خلقارا جنایت محکمه سی تامانیدن جزالنیشی کېرهکلیگینی تأکیدلهیدی.
طالبان آخرگی اوچ آی ایچیده فاریاب، قندوز، قندهار و غزنی ولایتلریده کمیده تۉرت حالتده تینچ اهالینی اۉلدیریش، حربي جنایتلر و کېنگ ترقهلگن انسان حقوقلرینی بوزیشده عیبلنماقده.