اردو بلخ ده اوروش سبب آواره بولگن ٢٠٠ عايله گه ياردم بيردي
مملكت شماليده ملي اردو مسووللريگه كوره، شاهين قول اردوسي مزارشريف شهريده استقامت قيلوچي اوروش سبب آواره بولگن ٢٠٠ عايله گه آذوقه ماده لري ياردم بيرگن.
شاهين قول اردوسي سوزچيسي محمد حنيف رضايي بوكون (سه شنبه بيرينچي ميزان) نشانه خبر آژانسي بيلن صحبت ده ديدي بو ياردملر فارياب ولايتي قيصار تومنيدن اواره بوليب مزارشريف گه باش پناه آلگن عايله لرگه ترقتيلگن.
شاهين قول اردوسي سوزچيسي ني ايتيشيچه تازه ليك ده آواره بولگن بو عايله لر اردو نينگ ساغليك ني سقلش اوچون شفاكارلري تمانيدن معاينه بولگن.
اردو مسووللريگه كوره يقين كيله جكده هم طبيعي حادثه لر سبب ضرر كورگن و آواره بولگن عايله لرگه انسان پرورليك ياردم لر ترقتيلماقچي.
بو ياردم لر اوروش سبب آواره بولگن عايله لرگه اونداي بير حالده ترقتيلگن كه فارياب ولايتي نينگ مينگلب يشوچيلري اوروش سبب اوز اوي جايلريني ترك ايتيش گه مجبور بولگن لر.