ارزگان ولایتی محلی رسمیلری بوولایت مرکزیده بمب‌جایلشتیریلگن موتر پارتلشی سبب اینگ آز ایککی کیشی اوزجانی‌ني قولدن بیرگنی و تورت کیشی یاره‌لنگنی ني تصدیقلشکن.

ارزگان ولایت حاکمی سوزچیسی احمدشاه‌ساحل نشانه خبرآژانسی بیلن صحبت ده بوپارتلش اوتکن کیچه ( سه‌شنبه ۱۸جوزا ) ترینکوت شهری خان‌آقا قشلاقیده جایلشکن ملی‌اردوگاه تیگیشلی بولگن بیرقرارگاه‌ني کیریش محلیده یوزبیرگن ديدي.

ساحل‌جنابلری پارتلوچی ماده جایلشتیریلگن بیر هاموی نقلیه واسطه‌سي پارتلگنی سبب پولیس‌نینگ ایککی ضابطی جان‌بیریب پولیس‌نینگ اوچ وملی اردونینگ ایککی عسکر یاره‌لنگن ديدي.

ارزگان ولایت حاکمی سوزچیسی پارتلش‌دن سونگ طالبان جنگچیلری ملي اردو قوتلری بیلن توقنشکنی ني ایتیب بو هجوم امنیتی قوتلرتمانیدن دفع ایتیلگن اما توقنشوده طالبان بیش جنگچی‌سي اولدیریلیب و اون جنگچی‌سي هم جراحتلنگن ديدي.

طالبان گروهی حاضرگه قدر بو باره ده بیران نرسه ایتمگن.

مملکت جنوبیده جایلشکن ارزگان ولایتی ناتینچ ولایت دیر و بیرقطار تومنلرده طالبان جنگچیلری فعال دير.